Ordan-Burdan » “AtaBank”-ın müştəriləri ödənişsiz göz müayinəsindən keçdilər
Tarix : 2017-09-22 18:09:37 | Baxılıb : 326
Font Ölçüsü:   |  

“AtaBank” ASC-nin 500-ə yaxın müştərisi Korporativ Sosial Məsuliyyət çərçivəsində keçirilən kampaniyada ödənişsiz göz müayinəsindən keçdi. Layihə çərçivəsində müştərilər 2 həftə ərzində gözlərini tam ödənişsiz müayinə etmək fürsəti əldə etmişdilər.

Layihə Qurban Bayramı tətilindən sonra başlamışdır və növbəli şəkildə Bankın Dostluq və Nərimanov filiallarında həyata keçirilmişdir.

Layihə müddətində müayinədən keçməyən müştərilər istənilən vaxt klinikada 15% endirimlə müayinə oluna bilərlər. Bundan əlavə, göz əməliyyatına ehtiyacı olan AtaBank müştəriləri Dünyagöz Xəstəxanasından 10% endirim əldə edə bilərlər. Bunun üçün ödənişi sadəcə AtaBankın Visa və ya MasterCard plastik kartları vasitəsi ilə həyata keçirmək kifayətdir.

“AtaBank” ASC korporativ idarəetmə standartları çərçivəsində cəmiyyət, müştərilər və öz işçiləri qarşısında olan korporativ sosial məsuliyyətinə daim önəm verir.

Bu bölməyə aid digər xəbərlər.