şənbə, 24 oktyabr 2020

Çox kanallı (Omni Channel) Marketinq - Qlobal Bazarda Yeni Standart


Fərid Abdıyev


377

Texnologiyanın hər keçən gün bir az daha irəlilədiyi, təkmilləşdiyi və insan həyatının ayrılmaz hissənə çevrildiyi hər kəsə gün kimi aydındır. Belə olan halda digər sahələrdə olduğu kimi, hətta daha dinamik və çoxşaxəli formada texnoloji yeniliklərin marketinq dünyasına öz təsiri artmaqdadır. Müxtəlif texnoloji, rəqəmsal fürsətlərin olmadığı vaxtlarda markalar müştərilərə telefon, elektron poçt və ya birə-bir müraciət edirdilər. İndiki vaxtda isə, şirkətlər istehlakçıya müxtəlif maliyyətlərlə, bəzən hətta tam maliyyətsiz formada və çox sayda müxtəlif kanallar vasitəsilə məshul və xidmətlərini çatdıra bilirlər. İnkişaf edən texnologiya ilə yeni marketinq texnikaları və strategiyaları formalaşmağa başlamışdır. Bunlardan biri də "omni channel" marketinq strategiyasıdır.

Adından da göründüyü kimi çox kanallı marketinq, marka və müştəri arasında bağ yaradarkən bir çox kanaldan istifadə edərək müştəri ilə qarşılıqlı əlaqədə olmağı hədəfləyir. Omni channel marketinq kampaniyalarının məqsədi hədəf auditoriyasına maksimum səviyyədə çatmaq və səmərəli müştəri təcrübəsi yaratmaqdır. Bu səbəbdən də, həm onlayn, həm də offline kanalları bütövlükdə nəzərdən keçirməklə çox kanallı marketinq strategiyaları yaradılır. Hazırda müştərilərin iqtidarında mağazalar, internet saytları, mobil tətbiqlər, sosial media hesabları kimi geniş kanallar mövcuddur. Gündəlik həyatda istifadə etdiyimiz cihazlar (kompüterlər, smartfonlar, planşetlər və s.) şaxələndikcə, markaların bizlərə bu cihazların hər biri üçün uyğun vasitələr təqdim etməsi şərti yaranır. Belə olduqda, markaların bu kanalların hər birinə yönələn çox kanallı marketinq strategiyası işə düşür.

Müştərilər seçdikləri hər hansı bir kanalda marka ilə qarşılıqlı əlaqə qura və maneəsiz bir şəkildə kanallar arasında keçid edə bilərlər. Markalar, eyni zamanda bu strategiya vasitəsilə müştərilərinə fərdiləşdirilmiş təkliflər verə bilərlər. Ümumilikdə, bu növ marketinqdə mövcud və potensial müştərilərə çatmaq üçün birdən çox kanaldan istifadə etmək, online və offline alış-verişi vahid bir formada təqdim etmək əsas şərtdir. Uğurlu bir Omni Channel strategiyası nəticəsində marka müəyyən üstünlüklər qazanır və ənənəvi qaydalarla hərəkət edən rəqiblərini oyundan kənarlaşdıra bilir. Bu strategiya nələrdən ibarətdir və müştəriyə nə qazandırır, bunlara baxaq. Öncəliklə, hədəf kütləsinin bütün kanallardan marka ilə əlaqələrini izləyərək onları idarə etməyə imkan verir. Digər tərəfdən fərdiləşdirilmiş xidmətlərdən istifadə edən müştərilərin markaya feedback nisbətlərində əhəmiyyətli bir artım olduğu müəyyən edilmişdir. Çox kanallı marketinq strategiyası ilə müştərilərin davranışlarına daha yaxşı reaksiya verə və xüsusi məzmunlu fərdiləşdirilmiş təklif verilə bilər.

Omni Channel Marketinq tətbiqləri aşağıdakı formada aparılır:

- Online mağazadan və ya sosial media üzərindən alınan bir məshulun offline (fiziki) mağazada iadə edilməsi və ya dəyişdilməsi;
- Online mağazadan alınan bir məhsulun offline (fiziki) mağazadan təhvil alınması;
- Offline mağazadan alınan bir malın birbaşa karqo ilə çatdırılması
- Offline mağazadan edilən alış-veriş üçün online mağazada endirim və promoların tətbiqi və s.

Dünyada Omni Channel Marketinqi uğurlu bir şəkildə tətbiq edən bir çox şirkət var. Onlardan biri kofe liderlərindən olan Starbucks-dır.

Belə ki, hər hansı bir alış-veriş edərkən istənilən vaxt istifadə edə biləcəyiniz pulsuz bir hədiyyə kartı alırsınız. Ancaq ənənəvi müştəri loyallıq proqramlarından fərqli olaraq, Starbucksın bu kartı telefon, veb sayt və mobil tətbiq üzrərində eləcə də coffee shopda balansı yoxlamağa və yenidən yükləməyə imkan verir. Kartda və ya profilinizdə edilən hər hansı bir dəyişiklik bütün kanallarda real vaxt rejimində yenilənir. Bu yolla, bir qəhvə almaq üçün növbəyə durarkən, kifayət qədər balansınınız olmadığını görsəniz, dərhal kartınıza yükləmə edə bilərsiniz. Eyni zamanda, təqdim edilən hədiyyə və promosyonları eyni vaxtda bütün cihazlardan təqib edə bilərsiniz.

Başqa bir örnək: Oasis, e-ticarət saytını, mobil tətbiqetməni və fiziki mağazalarını sadə bir alış-veriş təcrübəsi ilə birləşdirən İngiltərədəki moda satıcısıdır. Oasis mağazalarından birinə daxil olsanız, iPad-lər vasitəsilə yerində məhsullar haqqında dəqiq məlumatları verməyə hazır satış nümayəndələrini tapa bilərsiniz. Eyni zamanda, bu iPad-lər də kassa aparatı rolunu oynayır, bu da satış nümayəndələrinin kassaya getmədən sizə hesab-faktura verməsini asanlaşdırır. Bəyəndiyiniz bir məhsulun həmin mağazada olmadığı ortaya çıxsa, personal məhsulun birbaşa evinizə çatdırılması üçün onlayn sifariş edirlər.

Müəllif: Fərid Abdıyev, Brend menecer

Paylaş

MÜSAHİBƏ

Reklam üçün

Sərgi, Konfrans, Festival

Reklam üçün