Facemark.az xarici mənbəyə istinadən araşdırma yazını sizlərə təqdim edir!
Solaxaylar dünya əhalisinin təxminən 10%-ni təşkil edir. Tarixdə əhəmiyyətli gücə və ya nüfuza malik olan Corc HV Buş, Leonardo da Vinçi, Nikola Tesla və Bill Qeyts kimi adların solaxay olması solaxaylarla bağlı müxtəlif fərziyyələrin ortaya çıxmasına səbəb olub.
Bəs həqiqətənmi solaxaylar daha ağıllıdır? Elm bu vəziyyəti necə izah edir?
İtaliyada 6-17 yaş arasında olan 2300-dən çox sağ və solaxay şagird arasında riyazi nailiyyət fərqləri araşdırılıb. 2017-ci ildə Frontiers jurnalında dərc olunan bu araşdırmaya görə, asan məsələlərdə solaxay və sağ əlli tələbələr arasında böyük fərq olmasa da, çətin məsələlərdə solaxay şagirdlərin şifahi ifadələri emal etməkdə daha müvəffəqiyyətli olduğu müşahidə edilib. Bu araşdırmadan sonra elm adamları sol əldən istifadə ilə riyazi bacarıqlara sahib olmaq arasındakı əlaqəni araşdırmağa davam etdilər.
1995-ci ildə Psychobiology jurnalında 43 tədqiqatın meta-analizi, solaxayların sağ əllilərə nisbətən əhəmiyyətli dərəcədə daha böyük korpus kallosumuna sahib olduğunu müəyyən etdi. Korpus kallosum (corpus callosum) beynin iki yarımkürəsini birləşdirən sinir lifləri dəstəsi kimi tanınır.
Üstəlik, sonrakı araşdırmalar göstərdi ki, sağ əllilərin solaxaylara nisbətən cüzi intellektual üstünlüyü var. 2017-ci ildə Neuroscience and Behavioral Reviews jurnalında dərc edilən bir araşdırmada 20.400-dən çox insanın məlumatlarının daxil olduğu 18 digər araşdırma nəzərdən keçirilib. Üstəlik, sağ əlli və qarışıq əlli istifadəçilər arasında orta İQ ballarında böyük fərq olmadığı müşahidə edildi. Müəyyən edilib ki, sağ əllilərin solaxaylara nisbətən orta hesabla cüzi dərəcədə yüksək IQ var. Ümumiyyətlə, ümumi populyasiyada əllərə üstünlük verən qruplar arasında intellekt fərqləri əhəmiyyətsizdir.
Zamanla ortaya çıxan ön mühakimə və ümumiləşdirmələr tarixdə mühüm təsirlərə malik olan insanları və müasir ikona çevrilən saysız-hesabsız solaxayları daha da təsir edici edib. Bununla belə, solaxayların sağ əllilərdən daha ağıllı olması fikrini ümumiləşdirmək düzgün olmazdı.
