Dünyanın ən böyük video platforması olan Youtube yeni xidməti "Youtube Red"i təqdim etməyə hazırlaşır. "Youtube Red" istifadəçiləri izlədikləri videolarda reklam görməyəcək və offline olaraq video izləyəcək. İstifadəçilər videoları kompüterlərinə endirə biləcəklər. Bu sayədə videolar internet lazım olmadan da izlənəcəkdir. Ancaq bu xidmət üçün ayda 10 dollar ödəmək lazımdır. "Youtube Red"in 1 aylıq sınaq müddəti pulsuz olacaq. İlk növbədə ABŞ-da istifadəyə veriləcək "Youtube Red"in yaxın günlərdə beynəlxalq istifadəyə verilməsi planlaşdırılır.