Klassik marka sədaqəti yaratmaq üsulu keçmişdə qalıb. İstehlakçıların artıq markalara olan baxış bucağı da əvvəlki kimi deyil.



Bu günün istehlakçısı keçmişə görə daha çox araşdırmağa meyillidir, təəssüf ki, həm də onlara nəyisə bəyəndirmək elə də asan deyil. İndi yeni nəsillər üçün yeni üsullar tapmağın vaxtıdır.



Bu yeni üsul isə daha əvvəllərdə qeyd etdiyimiz kimi fərdiləşdirmədən keçir. Marka sədaqətini artıq siz onlara verməməlisiniz, qazanmalısınız. Bunun nəyi pisdir ki?



Markalar bunu xəbərdarlıq kimi başa düşməli və ənənəvi metodlarından əl çəkməlidirlər.



Hər birimiz ayrıca bir fərdik və maraqlarımız da cürbəcürdür. Belə olan halda markanın istehlakçıya verdiyi mesaj da onlar tərəfindən fərqli şəkildə cavablandırılacaq.



Buna görə də markanızın istehlakçıya çatdırdığı mesajın fərdiləşmiş, hər bir müştəri üçün xüsusi olduğuna diqqət etməlisiniz.



E-mail üzərində satışın hələ də önəmli olduğunun fərqindəyiz. Unutmayın ki, onlara gün ərzində saysız-hesabsız e-maillər gəlir. Ona görə də, müştərinin sizin mesajınızı çox diqqətli oxuduğunu düşünməyin.



Xüsusilə “Y Generation” (Y Nəsli - ən yaşlısının 32, ən cavanının isə 13 yaşı olur. Sədaqət duyğuları azdır - red.) bildirir ki, onlar markaların 70%-ni hər bir müştəriyə xüsusi, fərdiləşmiş mesaj çatdırmadıqlarından dolayı atırlar.



Bu gün “Y Nəslin”in tez-tez marka dəyişdirdiyinin şahidi oluruq. Amma düşünmürəm ki, siz onlara görə 70% istehlakçınızı itirəcəksiniz.



Bəzi markalar müştəri haqqında ancaq onun cinsiyyəti barəsində məlumatlıdır. Amma bir çox şirkət bu ənənəvi metodu artıq keçib. Ona görə də, əlinizdə olan müştərilərin qədrini bilin və onları daha dərindən analiz edib, arzu və istəklərinə uyğun kampaniyalar təşkil edin.



Yadda saxlayın ki, demoqrafik məlumatların, veb saytınızdan istifadə aralıqları və saatları, satışın həyata keçdiyi tarixləri bu informasiyalar müştəriyə fərqi kampaniyalar təklif etmək üçün “ qızıl” dəyərinə malikdir.



E-maillərinizdə belə fərdiliyə qədər enin. Məsələn, e-mail göndərdiyiniz müştəriyə öz adı ilə xitab edin. Sadəcə, bununla kifayətlənməyin, ona uyğun kontent seçimi təklif edin.



Bunu edərsəniz, potensial müştərilərinizi veb saytınıza daxil olub, məhsul almağına yönləndirə biləcəksiniz. İnsanlar düşünür ki, edəcəyiniz nəsə onlara dəyər qatacaqsa mesajlarınıza müsbət cavab verəcəklər.



Sadəcə məhsul təqdim etməkdən savayı, onların problemi həll etmək üçün ilk ünvanı olduğunuzu çatdırın. Beləliklə, müştəri ilə bərabər marka sədaqəti də qazanmış olacaqsınız.



Mənbə: Pazarlamasyon.com