çərşənbə, 17 yanvar 2018

Müştəri məmnuniyyəti üçün nələr edilməlidir?

131

Müştəri məmnuniyyəti şirkətinizin bu günü və gələcəyi üçün ən önəmli ünsürlərdən biri olaraq təklif etdiyiniz bütün xidmət, ya da məhsulun keyfiyyəti qədər dəyərlidir.

Hər gün bazarda ən böyük oyuncu olduqları və ölkədə tapılmayan məhsulu yalnız onlar gətirdikləri üçün müştərisinə hörmət göstərmək ehtiyacı duymayan şirkətlərlə qarşılaşırıq.

Bu şirkətlər əsasən günü sonunda önəmli müştərilərini itirirlər. Başqa bir tərəfdən müştərisinə necə rəftar etməli olduğunun fərqində olmayanlar doğru addımı atmadıqları üçün itirən tərəf olmağa məhkum olur.

Xüsusilə, ikinci kateqoriyaya daxil olan şirkətlərin, müştəri məmnuniyyətini edəcək bəzi təsirli müştəri xidmətləri texnikalarını öyrənməsində fayda var.

Uzun müddətli müştərilərinizə önəm verin

İşlərinin uğura çatmasını istəyən şirkətlərin müştərilərini bir müddət əllərində saxlaması lazımdır. Uğuru əldə etmək istəyən şirkətlər davamlı və sadiq müştəri bazası yaratmalıdırlar. Davamlı müştərilərin məmnuniyyətini təmin etmək üçün çox sayda üsul var. Bunlar arasında ən bilinənlərdən biri onlara özəl hədiyyələr təklif etməkdir.

Sadiq müştərilərinizə təklif etdiyiniz hədiyyələr, haqqınızda müsbət şərhlər edilməsini və yeni müştərilər qazanmağınıza səbəb olacaq. Bu mükafatlar uzun müddətli müştəri məmnuniyyətini təmin etməklə yanaşı, iki tərəfli faydalar da yaradır.

Müştərilərinizin vaxtına əhəmiyyət verin

Müştəri xidmət almaq üçün gözləmək istəmir. Bu istər, restoranda masa arxasında gözəyən müştəri olsun, istərsə də həkim müayinəsinə gələn həkim fərq etmir.

Gözləmə siyahınızı və sifarişlərinizi uğurlu bir şəkildə sistemləşdirə bilsəniz, narazı müştərilərin də problemini aradan qaldırmış ola bilərsiniz. Müştərilərinizə dəqiq vaxt təyin edin. Yenə də, bu vaxtı onların planlarına uyğun olmasına da diqqət edin.

Beləliklə, müştəriləriniz sizin sistemli olmaqla yanaşı, ona hörmət etiyinizdən də əmin olacaq. Bu detal sizi rəqibləriniz arasında önə çıxaran fərq yaradır.

Müştərilərinizlə əlaqə qurun

Müştərilər qarşılarında onları başa düşən, onlarla eyni dili danışan biznes tərəfdaşları görmək istəyir. Təklif etdiyiniz xidmət mükəmməl olsa da, müştərilər ilə çox soyuq rəfat etdiyiniz zaman nəsə həmişə əksik qalacaq. Müştəri məmnuniyyəti üçün onlara doğurdan da önəm verdiyinizi hiss etdiməlisiniz.

Bunu etməyin sadə yollarından biri də sosial mediadan istifadə etməkdir. Bu gün əskər şirkət müştəriləri ilə ünsiyyət qurmaq üçün ya rəsmi, ya da qeyri-rəsmi dillə sosial media paylaşımları edir. Bununla həm, mövcud müştərilər ilə daha yaxın əlaqə qurmaq mümkün olur, həm də potensial müştərinin də marağına səbəb olursunuz.

Müştəri xidmətləri şöbəsini çeşidləndirin

Bu gün müştərilər şirkət ilə kontakta olmaq üçün öncə telefondan istifadə edirlər. Bundan əlavə, onlayn dəstək metodlarına müraciət edirlər. İstər şikayət, istərsə də məmnuniyyətini ifadə edən müştəriləri dinləmək lazımdır. Unutmayın ki, müştərilər onları dinləyən şirkətləri görmək istəyir.

Veb sayt yaradın

Müştərilərin çoxu alış-veriş etməmişdən öncə onlayn araşdırma edirlər. Veb saytınız bu mərhələdə sizə böyük üstünlük qazandıracaq. Veb saytı potensial müştərilərinizin istədikləri informasiyaya asanlıqla əllərinin çatmasına və sizin seçilmənizə səbəb olacaq.

Veb saytınızda ən çox diqqət etməniz lazım olan informasiyalardan biri də haqqınızda daha çox məlumat almaq istəyən potensial müştərilər üçün kontaktlarınıza əlçətanlığın olmasıdır. Ümumilikdə, veb saytı insanlara sizi tanıtmağın, sizinlə asanlıqla ünsiyyətə daxil olmalarına kömək olan ən asan vasitələrdən biridir.

Müştəri məmnuniyyətini təmin etmək üçün onların nə istədiyinizi bilməlisiniz. Hər şeydən öncə müştərilərinizin sizinlə əlaqəda olmasına kömək olun və onların sizinlə paylaşdıqları fikirlərə dəyər verdiyinizi hissetdirin. Müştərilərinizlə qurduğunuz əlaqənin şirkətiniz üçün müsbət yönümdə geridönüşlər yaradacağını unutmayın.

Paylaş

MÜSAHİBƏ

Reklam üçün

Sərgi, Konfrans, Festival

Reklam üçün