çərşənbə, 17 yanvar 2018

“Omnichannel” marketinq nədir? – Nümunə

169

Omnichannel” (çox kanallı) marketinq müştərinin alış-veriş təcrübəsini qüsursuz, inteqrasiya edilmiş, ardıcıl etmək üçün alıcı gözü ilə araşdırma etmək və bu təcrübəni bütün kanallarda idarə edilməsi mənasına gəlir.

Facemark.az xəbər verir ki, “omnichannel” “multi-channel” yanaşmasının daha da inkişaf etmiş versiyasıdır.

Belə ki, yeni terminə görə, onlayn və offlayn mağaza marketinq startegiyasının bütöv strategiyası hesab edilir.

“Omnichannel” marketinqə görə, istehlakçılar alış-veriş üçün öncə bir kanaldan araşdırma aparırlar, daha sonra isə digər kanallardan istifadə etməklə alışı başa çatdırırlar.

“Omnichannel” marketinq nəyi hədəfləyir?

“Omnichannel” marketinqə nümunə kimi “Adidas”, “Nike”, “Wallmart” kimi şirkətlərin marketinq strategiyasını misal göstərmək olar.

Adıçəkilən şirkələr müştərilərin bir çox kanal üzərindən olan sual və təkliflərini bir platforma üzərindən idarə edirlər. Bu şirkətlər müştərilərə hər kanal üzərində eyni səviyyədə müsbət təcrübənin yaşadılmasını hədəfləyir.

“Omnichannel” marketinq strategiyasını doğru və daha səmərləri tətbiqi üçün firma onlayn və offlayn kanallarını bir araya gətirməlidir.

Onlayn marketinq startegiyası içində ən önəmlilərindən biri olan e-ticarət kanalı sadəcə birbaşa satış üçün deyil, müştərilər ilə qarşılıqlı əlaqəni hədəfləyir.

Marketinqin bu təcrübəsini həyata keçirtmək üçün marka təcrübəsi önəmlidir. Şirkətlər “omnichannel” marketinqi tətbiq etmək üçün öncə texniki cəhətdən yaxşı bir şəkildə planlaşdırılmış olmalıdırlar.

Konkret misallardan danışsaq, “omnichannel” marketinqə nümunə kimi aşağıdakı misalı göstərmək olar:

İstifadəçi ağıllı telefonundan ayaqqabı ilə əlaqədar araşdırma edir. Daxil olduğu alış-veriş saytında isə “cookie” vasitəsilə profillənir. Qısa müddət sonra isə mobildən təkrar araşdırma etdiyi əsnada, yenidən marketinq sayəsində (re-marketinq) araşdırdığı məhsulun reklamını görür.

Növbəti mərhələdə potensial alıcı məhsulu alış-veriş siyahısına əlavə edir. Evə dönəndə yaxınlarının da fikrini alır və məhsulu almağa qərar verir.

Laptop vasitəsilə e-ticarət saytı üzərində ayaqqabının sifarişi verir. Daha sonra telefon ilə firmaya zəng edir. Onlardan bir neçə suallının cavablandırılmasını xahiş edir, həmçinin bildirir ki, sifarişə başqa bir rəng də əlavə etsinlər.

Məhsul əlinə çatdıqdan sonra bəyənmədiyi rəngi dəyişdirmək üçün fiziki mağazaya gedir və yeni ayaqqabı alır. Məhsulu bir müddət istifadə etdikdən sonra, istehsal xətası olduğunu başa düşür. Məhsulu dəyişdirmək üçün sosial media kanalları vasitəsi ilə şirkətə bildirir. Yeni məhsul istəyini firmanın yazılı kataloqu üzərindən edir. Firma müştərisi ilə e-mail yolu ilə təmasa keçir, karqo ilə ayaqqabını geri alaraq yenisini göndərir.

“Omnichannel” marketinqin yaratdığı üstünlüklər

- Bu marketinq strategiyası ilə firmalar müştərilərini itirmir, daha çox satış rəqəmlərinə çatmalarına kömək olur;

- Firma müştəri məmnuniyyətini asanlıqla artıra bilir;

- Yenidən marketinq üsulu ilə satışı sona qədər başa çatdırmamış müştərini məhsulu almağa təşviq edir;

- Firmalar potensial və ya sadiq müştərilərinə onlayn marketinq üçün istifadə etdikləri vasitələr ilə məhsul, kampaniyalar haqqında detallı məlumatlar verə bilir. Yaxındakı mağazanın yerini və kampaniyanı öyrənən müştərilər məhsullara zəhmət çəkmədən alırlar. Hətta fiziki mağazaya getmədən yolda gedərkən belə sifariş edə bilirlər;

- Firmalar “Google Analytics” başda olmaqla onlayn reklam alətləri və CRM proqramlarının başlatdığı detallı hesabatlar hesabına onlayn vasitələr ilə başlayıb, offlayn olaraq bitən alış-veriş müddətini izləyə bilir. Beləliklə, müştəri davranışlarını analiz edərək marketinq strategiyalarını inkişaf etdirmək şansına sahib olurlar.

- Firma geridönüş və satış hesabatlarını analiz edərək hansı məhsulu daha çox, hansı məhsulu isə daha az istehsal edilməsinə qərar verə bilər. Bu da şirkətin mənfəətinin artmasına kömək ola biləcək vasitədir.

Paylaş

MÜSAHİBƏ

Reklam üçün

Sərgi, Konfrans, Festival

Reklam üçün