Tədqiqatçı marketoloqlara görə, marketlər və brendlər, əsasən, 4 növ müştəri ilə qarşılaşırlar:
1-ci növ: Loyal (qanun daxilində hərəkət edən) müştərilərimiz. Qavranılmış bir brendin müştəri bazasının təxminən 20%-i loyal müştərilər olur, amma bu müştərilər satışın təxmini 50%-ni qarşılayırlar. Məncə, bu, onların necə dəyərli olduqlarını ifadə edə bilir. Bir brend və ya market öz satışlarını artırmaq istəyirsə, öncəliklə loyal müştərilər üzərində fokuslanmalıdır. Loyal müştərilərlə daim münasibətdə olmaq lazımdır. Bəs bunu necə edək? Aha, nəsə təklif edə bilərəm, məsələn: elektron poçt göndərə bilərsiniz, zəng etmək, sosial media postları paylaşmaq, fərq etməz - bu tip müştəri onu daim xüsusi dəyərləndirdiyinizi hiss etməlidir. Bu tip müştərilər sizin vəkilllərinizdir. Ən uyğun zamanda, dost-tanışlara sizi təklif edəcək. Niyə? Çünki, MƏSLƏHƏT MARKETİNQİ ən effektiv marketinqdir.
2 - Endirim müştərisi (fürsət qovalayan müştəri). Bu müştərilər loyal müştərilər kimi çox alış-veriş edirlər, amma belə müştərilərdən ehtiyat etmək lazımdır. Onlar qarşılaşdıqları ilk fürsətdə (daha az qiymət təklif edən olduqda) sizi tərk edə bilərlər. Ona görə də müştərilərin istəklərini müəyyən edib onlara istədiklərini (yəni aşağı qiymət və yaxud da onları stimullaşdıracaq başqa vasitələr) təklif etmək lazımdır. Bu müştərilər daha çox gəlir gətirə bilərlər, lakin onlarla düzgün davranmağı bilmək önəmlidir. Aşağı qiymət, yüksək keyfiyyət həm də bizim rəqabətlilik qabiliyyətimizi artıracaq. Əslində, endirim müştərisinin bizdən istədiyi də elə daha rəqabət yönümlü olmağımızdır. Həə! Bir də ən çox məhsul qaytarmağa meyilli olan müştərilər də elə endirim müştəriləridir. Endirim müştəriləri bizə satış baxımıdan çox dəyərlidir.
Market və brendlərin qarşılaşdığı 3-cü tip müştərilər impulsiv müştərilərdir. Bu müştərilər almaq niyyəti olmasa belə, mağazaya gəlib həmin an ürəyinə düşəni, diqqətini çəkəni ala bilər. Düzdür, bacarıqlı bir satıcı bu müştərilərdən daha çox gəlir əldə edə bilər. İmpulsiv müştərinin psixologiyasını öyrənməklə onu hərəkətə keçirən motivləri, onu stimullaşdıran amilləri bilməklə biz çox yüksək gəlirlər əldə edə bikərik .
Marketlərin qarşılaşdıqları 4-cü tip müştərilər ehtiyacı olan müştərilərdir. Bu müştərilər müəyyən məqsədlə marketə daxil olurlar, yəni onların sırf almaq istədiyi məhsul var və onlar həmin məhsulu dərhal alıb marketi tərk etmək niyyətindədirlər. Bu müştərilərə başqa nəsə satmağa çalışmaq biraz çətindir. Bu, o demək deyil ki, bunu etmək mümkün deyil. Əlbəttə ki, mümkündür, amma biz daha ehtiyatlı davranmalı və müştərinin ehtiyacını müəyyən edərək, ona təklif edəcəyimiz məhsul və ya brendləri də bu istiqamətdə seçməliyik. Ehtiyaclı müştərilərlə düzgün davranılarsa, onlar çox keçməz ki, loyal (daimi) müştərilərə çevrilərlər. ODUR Kİ, HƏR ŞEY MÜŞTƏRİNİN EHTİYACLARINI DÜZGÜN MÜƏYYƏN ETMƏKDƏN KEÇİR. DİQQƏTLİ OLMALI,VƏ MÜŞTƏRİ İLƏ EMPATİYA QURMAĞI BACARMALIYIQ .
