Bu ilin yanvar-sentyabr aylarında Azərbaycanda həyata keçirilmiş 318 milyon 615 min manat sığorta ödənişinin 266 milyon 351 min manatı və yaxud 83,6%-i 5 sığorta şirkətinin payına düşüb.


Facemark.az xarici mənbəyə istinadən xəbər verir ki, həmin şirkətlər "PAŞA Həyat Sığorta" (159 milyon 442 min manat), “PAŞA Sığorta” (53 milyon 466 min manat), “Xalq Sığorta” (19 milyon 660 min manat), “Atəşgah Həyat Sığorta” (17 milyon 114 min manat) və “Azərsığorta” (16 miylon 669 min manat) ASC-lərdir. 9 ay ərzində ən az sığorta ödənişi həyata keçirmiş sığorta şirkətləri isə “Meqa Həyat Sığorta” (3 min manat), “İpək Yolu Sığorta” (141 min manat), “Xalq Həyat Sığorta” (334 min manat), “Naxçıvan Sığorta” (401 min manat) və “Aqrar Sığorta Müştərək Sığorta Şirkəti” (550 min manat) ASC-lərdir.


Adları çəkilən şirkətlər ümumilikdə 1 milyon 427 min manat sığorta ödənişi həyata keçirib ki, bu da ümumi ödənişlərin 0,4%-i deməkdir. Qalan 10 sığorta şirkətinin ümumi ödənişləri isə 50 milyon 837 min manat (16%) təşkil edib.