Ötən ay Çin təbii qaz, kömür, xam neft və neft məhsulları alışı ilə Rusiyadan enerji idxalını artırmağa davam edib.

Facemark.az xarici mənbəyə istinadən xəbər verir ki, oktyabr ayında Çin idxalının geniş şəkildə zəifləməsinə baxmayaraq, Rusiyadan alışlar artıb. Çin gömrük məlumatlarına görə, Rusiyadan neft idxalı keçən ay 16 faiz artaraq 7,72 milyon tona çatıb. Artım, gələn ayın əvvəlində qüvvəyə minəcək yeni sanksiyalardan sonra Çinin neft emalı zavodlarının Rusiya yüklərini saxlamaq üçün Pekindən kömək istəməsi ilə baş verib.

Dekabrın 5-dən etibarən "Avropa İttifaqı", Rusiya xam neftinin maliyyələşdirilməsini, sığortalanmasını və daşınmasını qadağan edəcək və idxalçıları başqa həll yolları axtarmağa məcbur edəcək.