Ətirlər insanın individuallığını əks etdirir, onun xasiyyətini biruzə verərək, əhval-ruhiyyəsindən xəbər verir. Bəzən insan xasiyyəti kimi müxtəlif, təkraredilməz və individual olan ətirləri təsvir və təsnif etmək mümkünsüz hesab edilir.



1. Dünyada hər il minlərlə istehsal olunan, məşhur Pikassonun -“Şəxsiyyətin avtoqrafı”, fransızların-“qadının ən güclü silahı” adlandırılan ətri necə seçməli?



Ətir seçimi çox çətin və mürəkkəb bir prosesdir. O adi təbii və ya kimyəvi qarışıq deyil. Ekspertlər hesab edir ki, o gül kimi açılmalı və musiqi kimi səslənməlidir. Biz müştərilərimizə ətir seçimini əsasən günün birinci yarısında etməyi, mağazaya daxil olarkən bir dəfəyə çox ətir qoxulamamağı məsləhət görürük. Əgər hər hansı bir ətirin qoxusu başqasında xoşunuza gəlibsə, onu mütləq öz dərinizdə yoxladıqdan sonra alsanız, daha düzgün olar. Çünki hər bir insanın bədən temperaturundan, malik olduğu şəxsi qoxudan, dərisinin xüsusiyyətlərindən asılı olaraq eyni ətir müxtəlif insanlarda fərqli ola bilər. Bundan başqa, mövsüm də çox rol oynayır. Ətirləri həm də el arasında deyildiyi kimi, “yay-qış ətirləri”nə də bölmək lazımdır. Hər mövsümə uyğun ətir istifadəsi təbii ki, daha münasibdir. Bunun üçün İDEAL mağazalarında müştərilərə gözəl şərait yaradılıb. Onlar mağazada olan testerlər vasitəsi ilə ətirləri öz dərilərində yoxlaya bilərlər.



2. Ətirlərin hansı növü var?



Bəzən müştərilər parfum növləri haqqında məlumatsız olduğu üçün onların qoxusunun qalıcı olmamasından şikayətlənirlər. Ümumiyyətlə, parfum bir neçə növə bölünür. Bunlar içərisində ən bahalı və qalıcı hesab edilən - Ətirdir.



Perfum, Perfume və ya Extrait kimi qeyd edilənlər tərkibinə ən çox konsentrat daxil olan ətirlərdir. Bu ətirlərin tərkibinə 20-30% və bəzən də daha çox təbii ətir konsentratı daxildir. Belə ətirlərə niş ətirləri də daxil edirlər. Təbii ki, belə ətirlərin qalıcılıq qüvvəsi yüksək, qiymətləri isə baha olur.



Parfum suyu və ya Eau De Parfum (EDP).



Bu ətirlərin tərkibinə 15-25% parfum konsetratı daxildir. Qiymətinin münasib olmasına tərkibindəki yüksək konsentrasiya və qalıcılıq qüvvəsinə görə müştərilər arasında ən çox alınan növdür.


Bir çox brendlərdə bu ətrin ən yüksək növü hesab edilir. Belə ki, parfum şirkətlərinin hamısı yüksək konsentrasiyalı ətir istehsal etmir.



- Tualet suyu və ya Eau De Toilette (EDT )



Parfumun bu növündə ətir konsentratı o qədər də yüksək olmur. Adətən 10-20% (kişi parfumlarında 6-12%) təşkil edir. Belə ətirlərin qiymət siyasəti çox da yüksək olmur, qalıcılığı isə 2-3 saat olur.



- Odekalon və ya Eau De Cologne (EDC)


3-5% parfum ekstraktından ibarət olur. Çox az qalıcılıq qüvvəsinə malikdir. İsti havalarda EDT əvəzinə istifadə edilə bilər.



- Dezodorant (Parfum Deo)



3-5% parfum ekstraktı ilə zəngin olur. Eyni zamanda təravətləndirən, ətirləndirən və gigiyenik təsirə malikdir.



3. Ətirlərin təsnifatı haqqında hansı məlumatı müştərilərə çatdıra bilərsiniz?



Ətirlərin təsnifatı əsasən professional olaraq parfum sektorunda məşğul olanlar üçün maraqlı olur. Ancaq son zamanlar sevindirici hal kimi qeyd etmək olar ki, müştərilər bu barədə maraqlanırlar.



Dominant təsnifat üzrə ətirlər 3 qrupa bölünür.



1) Çiçək qoxulu ətirlər qrupu.


2) Şipr qrupuna daxil olan ətirlər.


3) Şərq ətirlər qrupu.



Fransızlar isə bu qrupları daha da bölərək ətraflı təsnifat verirlər. Fransız təsnifatı ilə ətirləri belə qruplaşdıra bilərik.



- Aldehidlər qrupuna daxil olan ətirlər - süni yaradılmış maddələrdən istifadə etməklə, qoxuların müxtəlifliyini yaratmağa imkan verir. Dəri ilə təmasda ətrin qoxusu güclənir. Müasir parfumeriyada elit ətirlərdə aldehidlər demək olar ki, istifadə edilmir.



- Ənbər ətirlər qrupuna şirin ədviyyə tərkibli ətirlər daxil edilir. Belə ətirlərdə baza notlar üstünlük təşkil edir. Bu qrup ətirlərin tərkibi şərq ədviyyatı, müşk, ənbər vanil və s. zəngindir.



- Ağac ətirlər qrupuna çoxlu yarımqruplar daxildir: çiçək-ağac ətirli, meyvə-ağac ətirli, ədva-ağac ətirli və s. Bu qrupa daxil olan ətirlər səndəl, kedr, paçuli, mərsin kompazisiyalarını özündə birləşdirir.



- Yaşıllar qrupuna daxil olan ətirlər yeni biçilmiş ot və yarpaqların çox yüngül, sadə qoxusu ilə səslənir. Burada şam, qalbanuma, ardıc, lavanda notları üstündür.



- Dəri qrupuna aid olan ətirlər əsasən kişilər üçün nəzərdə tutulub. Onlarda tütün, tüstü, bal, qatran, kəhrəba qoxuları üstünlük təşkil edir.



- Müşk ətirlər qrupu adı ilə özü haqqında xəbər verir. Buraya daxil olan heyvan mənşəli maddələr kiçik eyforiya yaratmağa qadirdir. Bu qrupa daxil olan ətirlərin qalıcılığı da daha yüksəkdir.



- Ozon ətirlər qrupu (dənizlər, okeanlar qrupu da adlanır) yeni yaranmış qrupdur. Buna baxmayaraq, müştərilər arasında artıq öz pərəstişkarlarını tapıblar. Bu qrupa daxil olan ətirlər dəniz və okean damcılarının təravətini pərəstişkarlarına çatdırır.



- Oriyental-Şərq ətirlər qrupu vanil, müşk, səndəl, qətran və s. qoxularla zəngindir. Bu qrupun ətirləri əsasən qiş mövsümü və gecə ziyafətləri ilə əla səslənir.



- Ədviyyəli ətirlər qrupunda qərənfilin, mixəyin ədviyyəli notları. darçın dəfnə yarpağı, istiot notları üstünlük təşkil edir.



- Meyvə ətirlər qrupu adından da məlum olduğu kimi meyvə qoxuları ilə zəngindir. Burada təravət və şleyf kompozisiyalarına üstünlük verilir.



- Qədəh ətirlər qrupu özündə palıd mamırı və lavandanın ətir çalarlarını birləşdirir. Bu qrupa daxil olan ətirlər əsasən kişilər üçün nəzərdə tutulub.



- Çiçək qrupu bayaq xatırlatdığım kimi çox yarım qruplara bölünür. Burada çiçək notları üstünlük təşkil edir. Adətən bu notlar meyvə, sitrus, yaşılların qrupuna daxil olan notlarla birləşərək kompozisiya yaradır.



- Sitrus qrupuna daxil olan ətirlər özündə sitrus meyvələrin ətir notlarını birləşdirir.



- Şipr qrupuna daxil olan ətirlər ilk dəfə 1917-ci ildə yaradılıb. Onlar o qədər məşhur olub ki, şipr ətirlər qrupu ailəsi yaranıb. Qadınlar üçün əsasən yüngül meyvə və yaşıllıqlar notları ilə ətirlər istehsal olunur. Kişi ətirlərinin kompazisiyasını isə palıd mamırı notları, lavandalar, paçuli və s. notları təşkil edir.



4. Kişilər xanımlar üçün parfüm seçərkən nələrə diqqət etməlidirlər?



Mən bu suala bir tərəfli deyil, hər iki prizmadan yanaşmaq istərdim. Yəni nəinki kişilər hətta qadınlar belə kişilərə parfum seçərkən bir çox faktorlar nəzərə alınmalıdır.


Belə ki, ətri aldığımız insanın yaşı, onun üstünlük verdiyi qoxular, ailə və iş statusu, ümumiyyətlə, yaşam stili nəzərə alınmalıdır.



5. Parfümdən harada və necə istifadə etmək lazımdır?



Sevimli flakonlar hər bir qadında çoxluq təşkil etməlidir. Parfumlardan hər gün istifadə etmək lazımdır. Lakin hansı parfumdan nə vaxt istifadə etməli olduğumuzu mütləq bilməliyik. Parfumları gündəlik, günün müxtəlif vaxtı, ilin fəsili, əhval-ruhiyyə və gecə həyatına görə seçmək daha düzgündür. Məsələn: səhər işə gedərkən əsasən yüngül ətirlərdən istifadə olunmalıdır. Gündüz ətri iş əhval ruhiyyəsini pozmamalıdır. Ziyafətə gedərkən daha tünd və şleyfli ətirlər məsləhətdir. İlk görüşə isə yeni ətirlə eksperiment etməməyi məsləhət görürük.



6. Böyüklər üçün ətirləri uşaqlar istifadə edə bilərmi?



Bu sualın cavabını ekspertlər müxtəlif cür verir. Mənim fikrimcə, bu, düzgün deyil. Böyüklər üçün nəzərdə tutulan ətirlərin tərkibi müxtəlif notlardan ibarət olduğu üçün o gün ərzində müxtəlif cür səslənə və insan psixologiyasına müxtəlif cür təsir edə bilər.



Uşaqlar üçün İDEAL mağazalarında xüsusi uşaq brendləri təqdim edilib ki, valideynlər bu ətirlərlə uşaqlarımızı sevindirə bilərlər. Onu xüsusilə qeyd edək ki, bu ətirlərin 100% keyfiyyətinə təminat verilir və tibbi cəhətdən də tam test olunmuşdur. Uşaq üçün ilk ətir həm də onun həyatında əlamətdar hadisə sayılır. Bir çox ailələr məsələn, övladının ilk ətir flakonunu uzun illər xatirə olaraq saxlayırlar.



7. Parfumun keyfiyyət göstəricilərinin qorunması üçün necə şəraitdə saxlanması lazımdır?



Ümumiyyətlə, bu bütün parfum istifadəçilərinin bilməsi gərəkən ən vacib məqamdır. Ətrin öz xüsusiyyətini uzun müddət saxlaması üçün onun saxlama qaydalarına əməl etmək lazımdır. Ətirləri quru, sərin və qaranlıq yerdə (adətən qutusunda) saxlamaq lazımdır ki, onlara günəş şüaları düşməsin. Kiçik flakonlarda ətirləri əldə etmək daha yaxşıdır, onda onlar sadəcə xarab olmağa vaxt tapmayacaqlar.



8.Orjinal və saxta brendli parfümün ayırıcı xüsusiyyətləri haqda tövsiyələriniz?



Əlbəttə, keyfiyyətli ətir bahadır. Təəssüf ki, indi ətriyyat bazarında qiyməti ilə əslindən seçilməyən saxta ətirlər çoxdur. Ətrin orijinallığını yoxlamağın ən sadə üsulu onu keyfiyyəti ilə özünü sübut etmiş mağazadan almaqdır. Ətri alarkən onun orijinallığına heç bir şübhəniz qalmasın deyə satıcıdan sertifikat tələb edə bilərsiniz. Ətri alarkən ilk onun qablaşdırmasına diqqət edin. Saxtalarda aydın olmayan poliqrafiya tərtibatı gözə tez çarpır: çox xırda və ya yayğın yazılar olur. Nəzərə alın ki, orijinallarda həmişə dəqiq və səliqəli yazılar olur. Bəzi saxta ətirlərin adlarında hərflərin yeri dəyişir. Orijinal ətirlərdə istehsalçı haqqında məlumatlarda yalnız ölkə deyil, bundan başqa, istehsal tarixi, yararlılıq müddəti, məhsul tərkibi və s. qeyd edilir. Ətrin qablaşdırması karton və ya keyfiyyətli kağızdan olmaqla yanaşı, həm də möhkəm olmalıdır. Selofan ətrin üzərində tam yerləşdirilməlidir. Yeri gəlmişkən, bəzi ətirlərin selofanı olmur, bu ətrin saxta olması deyil. Məsələn bir çox niş ətir istehsalçıları onların üzərini selofanla qablaşdırmır.Ətrin flakonları da diqqət olunası məqamlardandır. Flakonlar təmiz və şəffaf olmalı, heç bir əyrilik, cızıq və s. olmamalıdır. Eyni zamanda saxta ətirlərdə çox vaxt ətir vurucu pulvizatorlar yaxşı işləmir.



Qeyd etmək istərdim ki, mürəkkəb bahalı flakonlar yalnız özünü ifadə etmənin və müştərilərin diqqətini cəlb edilməsinin üsulu yox, həm də əsilliyin zəmanətidir, çünki belə şah əsərləri saxtalaşdırmaq çətindir. Yuxarıda qeyd etdiyimiz bütün ətir qrupuna daxil olan, parfumları orijinallığı və keyfiyyət zəmanəti ilə Sizə İDEAL parfum və kosmetika mağazaları təqdim edir. Buyurun gəlin payız mövsümünün yeni ətirləri ilə tanış olun. Gözəlliyinizə gözəlliyin ünvanı olan İDEAL mağazalarında mükəmməllik qatın!