"Goldman Sachs" strateqlərinin fikrincə, fond bazarlarında ayı bazarı faiz dərəcələrində zirvə olmadan bitməyəcək və 2023-cü ildə ciddi yüksəliş gözləyən investorlar məyus olacaq.

Facemark.az xarici mənbəyə istinadən xəbər verir ki, Peter Oppenheimer və Sharon Bell də daxil olmaqla strateqlər bazar ertəsi yayımlanan qeyddə "Ümumilikdə səhmlərin dibi ilə uyğun gələn şərtlərə hələ də nail olunmayıb" deyib.

Komanda bildirib ki, faiz dərəcələrinin pik səviyyəsi və tənəzzülü əks etdirən aşağı qiymətlər fond bazarının davamlı bərpasının baş verməsi üçün vacibdir.