Apple keçən ilin sentyabrında iPhone 14 seriyasını təqdim edib. Bir çox yeni xüsusiyyətlərlə gələn bu seriyada ən diqqət çəkən şey Pro modellərindəki "Dynamic Island" idi . Həm görünüş, həm də funksionallıq baxımından çox faydalı olan bu xüsusiyyət bir çox insanın diqqətini çəkib.

Facemark.az xarici mənbəyə istinadən xəbər verir ki, Realme-nin C seriyasının yeni telefonunda iPhone 14-də gördüyümüz "Dynamic Island" xüsusiyyətinin ola biləcəyi ortaya çıxıb.

Android istifadəçiləri də oxşar xüsusiyyəti telefonlarında nə vaxt görəcəkləri ilə maraqlanırdılar. İndi, yeni sızan şəkillər bizə iPhone 14-ün Dinamik Ada xüsusiyyətinin surətini təqdim edəcək ilk Android telefonunu göstərdi.

Realme menecerlərindən biri olan Madhav Sheth bu gün Twitter-də bir yazı paylaşıb. C seriyasına aid olduğu bildirilən bu telefonun görüntüsündə Apple-ın "Dynamic Island" xüsusiyyətinə çox oxşar dizayna sahib olması diqqət çəkir. Şəkildə, ekranın yuxarı hissəsində ada şəkilli bir hissənin olduğunu və şarj vəziyyətini göstərdiyini görə bilərik.

Şet qısa müddət sonra bu postu öz hesabından silib. Bununla belə , OnLeaks bu xüsusiyyətin telefona necə düşə biləcəyinə dair animasiya yayımlayıb. Şəkildə iPhone-a çox oxşar funksiyaları olan bir ada olduğunu görmək olar. Təbii ki, realme-nin ona əlavə funksiyalar əlavə edib-etməyəcəyini bilmirik.

Əlavə olaraq əlavə edək ki, xüsusiyyət Sheth tərəfindən " MiniCapsule " adlandırılıb .