Lionel Messi və Sony Music Entertainment animasiya seriyası hazırlamaq üçün əməkdaşlıq ediblər.
Facemark.az xarici mənbvəyə istinadən xəbər verir ki, serialda Messinin uşaqlıqda yaşadığı çətinliklərə diqqət yetiriləcək.
Dünyanın ən yaxşı futbolçularından biri olan Lionel Messi , ötən aylarda Argentina millisi ilə Dünya Kubokunu qazanaraq karyerasında çatışmayan hissəni tamamlayıb və azarkeşlərini sevindirib. İndi Deadline tərəfindən paylaşılan bir hesabat , Messi fanatlarının sevinəcəyi başqa bir inkişaf olduğunu ortaya qoyub.
Lionel Messinin Sony-yə bağlı musiqi şirkəti Sony Music Entertainment ilə əməkdaşlıq edərək animasiya seriyası hazırladığı açıqlanıb. Serialda Sony Music Entertainment-ə bağlı sənətçilərin orijinal musiqilərinin yer alacağı bildirilib.
Serialda Messinin uşaqlıq illərində yaşadığı mübarizələr diqqət mərkəzində olacaq
Həm Messini, həm də animasiya həvəskarlarını həyəcanlandıran elana görə, bu cizgi serialı Messini video oyununda çətinliklərin öhdəsindən gələn bir oğlan kimi təsvir edəcək . Təxmin edə bilərik ki, bu, məşhur idmançının həyatında üzləşdiyi çətinliklərin əksi ola bilər. Qeyd edək ki, serial uşaq və gənclər üçün nəzərdə tutulub.
Bundan əlavə, serialın ingilis, ispan və bir neçə başqa dildə hazırlandığı bildirilib . Buraxılış tarixi, adı və harada nəşr olunacağı hələ məlum deyil.
Qeyd edək ki, serial üçün ortaq olan Sony Music Entertainment musiqi şirkəti və podcast prodüseridir. Biz şirkəti Pearl Jam 20, Oasis Knebworth 20, Cypress Hill: Insane in the Brain kimi bir sıra uğurlu sənədli filmlərdə görmüşük.
