HSBC Silicon Valley Bank UK-i satın alır

Facemark.az xarici mənbəyə istinadən xəbər verir SVB-nin Böyük Britaniya tərəfdaşı olan Silicon Valley Bank UK, HSBC ilə razılaşma əldə edib.

HSBC Silicon Valley Bank UK-i satın alır. Səhmləri yüzdə 60 ucuzlaşan Silikon Vadisi Bankının pul göndərilməsində problem yaşanmışdı. Bu inkişafdan sonra Federal Əmanətlərin Sığortalanması Korporasiyası (FDIC)maliyyə tənzimləyicilərinin Silikon Vadisi Bankını bağladığını açıqlayıb. Daha sonra HSBC Silicon Valley Bank UK-ni satın almaq üçün hərəkətə keçib.

SVB-nin Böyük Britaniya tərəfdaşı olan Silicon Valley Bank UK, HSBC ilə simvolik 1 funt sterlinqlik razılaşma əldə edib. Silicon Valley Bank UK-nin satışında Rishi Sunak, Ceremi Hant və şəhərsalma naziri Endryu Qriffit, İngiltərə Bankının rəhbəri Endryu Beyli və Prudential Regulation-dan Sem Vuds da iştirak edib.

Paylaşılan məlumatda bildirilib ki, SVB UK-nin 5,5 milyard funt sterlinq krediti və 6,7 milyard funt-sterlinq depoziti var. HSBC-nin paylaşdığı məlumata görə, SVB UK 31 dekabr 2022-ci ildə bitən maliyyə ilində vergidən əvvəl 88 milyon funt-sterlinq mənfəət əldə edib. SVB UK-nin kapitalının təxminən 1,4 milyard funt sterlinq olacağı gözlənilir.

Məsələyə yaxın mənbələr Yaxın Şərqdən olan bir alıcının məşhur iddiaçılardan biri olduğunu söyləyib.

Bundan əlavə, Böyük Britaniyanın OakNorth və Bank of London bankları iddiaçılar arasında idi.