Bundan sonra tərtibatçılar proqram daxilində rəqəmsal aktivlərin ticarəti və qazanılması üçün funksiyaları həyata keçirə biləcəklər.
Facemark.az xarici mənbəyə istinadən xəbər verir ki, "Google Play" bir bloq yazısında tokenləşdirilmiş rəqəmsal aktivlərlə bağlı siyasətlərini dəyişəcəyini və tətbiqlərdə və oyunlarda NFT-ləri dəstəkləməyə başlayacağını elan edib. Bundan sonra tərtibatçılar proqram daxilində rəqəmsal aktivlərin ticarəti və qazanılması üçün funksiyaları həyata keçirə biləcəklər. Bununla belə deyə bilərik ki, "Google Play" öz qapılarını blokçeyn əsaslı tətbiqlərə açır.
Bu yenilik ilə proqramlar mağazasında oyunlar və proqramlar üçün NFT maneəsi aradan qaldırılır. Google Play-in Qrup Məhsul Meneceri Cozef Mills yazının mətnində istifadəçilərə məzmuna sahib olmağa imkan verən ənənəvi oyunların həyata keçirilə biləcəyinə diqqət çəkib. Mills, eyni zamanda unikal NFT mükafatları ilə istifadəçi loyallığını artıra biləcəyini də qeyd edib.
