İlin birinci rübündən sonra Hollandiya iqtisadiyyatı ikinci rübdə də daraldı və tənəzzülə girdi.

Facemark.az xarici mənbəyə istinadən xəbər verir ki, Hollandiya Statistika İnstitutu (CBS) 2023-cü ilin ikinci rübünün artım templəri ilə bağlı aparıcı məlumatları açıqlayıb.

Məlumatlara görə, birinci rübdə əvvəlki rüblə müqayisədə yüzdə 0,4 daralan Hollandiya iqtisadiyyatı ikinci rübdə yüzdə 0,3 daralıb.

Beləliklə, Avropanın ən mühüm iqtisadiyyatları sırasında olan Hollandiya durğunluğa, yəni tənəzzülə girdi.

Hollandiyada mövsümi təsirlərdən təmizlənmiş ÜDM də 2023-cü ilin ikinci rübündə keçən ilin eyni dövrü ilə müqayisədə 0,3 faiz azalıb.

İstehlak xərclərinin və ixracatın azalması səbəbindən Hollandiya COVID-19 epidemiyasının başlanğıcından bəri ilk dəfə tənəzzülə girdi.

Ölkədə ərzaq və enerji qiymətlərinin artması inflyasiyanın sürətlə artmasına və iqtisadi fəallığın ləngiməsinə səbəb olub.