Ev istifadəsi üçün nəzərdə tutulmuş iki ayaqlı robot, süni intellekt dəstəyi ilə istifadəçilərinin həyatını asanlaşdırmağı hədəfləyir.

Facemark.az xarici mənbəyə istinadən xəbər verir ki, yanvarın 9-dan 12-dək Las-Veqasda baş tutacaq CES 2024 çərçivəsində LG tərəfindən hazırlanan robotun tam təfərrüatlarının açıqlanması gözlənilir. Hər iki ayağında təkərləri olan robot evinizin ətrafında hərəkət edə bilir. Ağıllı ev köməkçisi kimi fəaliyyət göstərən robot, kondisionerinizi unutduğunuz zaman sizi xəbərdar etməkdən tutmuş, ev heyvanınızı idarə etməyə qədər bir çox funksiyaya malikdir. Kamerası, mikrofonu, dinamiki və müxtəlif sensorları olan robot istifadəçiləri ilə danışa bilir. Əlavə edək ki, sözügedən robot üzərindəki sensorlar vasitəsilə havanın keyfiyyətini və temperaturunu ölçə bilir.

Təhlükəsizlik məqsədi ilə də istifadə edilə bilən robot, sensorları sayəsində evdəki hərəkətləri təsbit edə biləcək və şübhəli bir hərəkət aşkar edərsə istifadəçini xəbərdar edəcək.