Google üçüncü tərəf kukilərini mərhələli şəkildə ləğv etmək üçün qlobal sınaqlara başlayır.
Facemark.az xarici mənbəyə istinadən xəbər verir ki, Google yanvarın 4-dən etibarən Chrome istifadəçilərinin 1 faizi, təxminən 30 milyon insan üçün üçüncü tərəf kukilərini defolt edəcəyini açıqlamışdı. Bu, kukiləri Google-un istifadəçi məxfiliyi üçün daha yaxşı olduğunu söylədiyi fərqli izləmə ilə əvəz etmək məqsədi daşıyan Privacy Sendbox layihəsində ilk böyük addımdır.
Google Chrome-un Yardım Səhifəsində təqdim etdiyi məlumata görə, kukilər istifadəçinin ziyarət etdiyi veb-saytlar tərəfindən yaradılan fayllardır. O, istifadəçinin səfəri haqqında məlumatı qeyd etməklə internet təcrübəsini asanlaşdırır. Məsələn, kukilər sayəsində saytlar istifadəçiləri girişdə saxlaya, sayt seçimlərini yadda saxlaya və istifadəçiyə yerli məzmun təqdim edə bilər. İki növ kuki var: birinci tərəf və üçüncü tərəf. Birinci tərəf kukiləri istifadəçinin daxil olduğu sayt tərəfindən yaradılır. Sayt ünvan çubuğunda göstərilir. Üçüncü tərəf kukiləri başqa saytlar tərəfindən yaradılır. İstifadəçinin ziyarət etdiyi sayt digər saytlardan şəkillər, reklamlar və mətn kimi məzmunu yerləşdirə bilər. Bu digər saytlar istifadəçi təcrübəsini fərdiləşdirmək üçün kukiləri və digər məlumatları saxlaya bilər.
Son 30 ildə vebsaytlar və texnologiya şirkətləri istehlakçıları onlayn izləmək üçün əsas üsul kimi üçüncü tərəf kukilərindən istifadə edirlər. Bir misal verək: Bu yaxınlarda səbətinizə əlavə etdiyiniz ayaqqabılar onlayn reklamlarda sizi izləyirsə, üçüncü tərəf kukilərinin aktiv olduğunu söyləyə bilərik. Burada, Google yanvarın 4-dən üçüncü tərəf kukilərini söndürməyə başlayır.
Google, təsadüfi olaraq dünya üzrə Chrome istifadəçilərinin 1 faizini, təxminən 30 milyon insanı seçir, bu da "İzləmə Mühafizəsi" adlandırdığı kukilərin bloklanması funksiyasından istifadə edən ilk insanlardır.
Bu gündən etibarən Chrome-da pop-up görsəniz, defolt olaraq “İzləmə Mühafizəsi” əldə edən istifadəçilərin yüzdə 1-dən ibarət sınaq qrupundasınız. Açılan pəncərədə aşağıdakı ifadələr yer alacaq: “Siz gözdən keçirərkən sizi izləmək üçün saytların üçüncü tərəf kukilərindən istifadəsini məhdudlaşdıran İzləmə Mühafizəsi ilə tanış olan ilk insanlardansınız.”
Google 2024-cü ilin ikinci yarısında bütün istifadəçilər üçün İzləmə Mühafizəsini tətbiq etməyi və üçüncü tərəf kukilərindən istifadəni tamamilə dayandırmağı planlaşdırır.
