Facemark xarici mənbəyə istinadən xəbər verir ki, əyləncə nəhəngi Disney və məşhur video oyun şirkəti Epic Games maraqlı əməkdaşlığa imza atıb. Əməkdaşlıq çərçivəsində Disney Epic Games-ə 1,5 milyard dollar sərmayə qoyacaq və iki şirkət Disney hekayələrinin və təcrübələrinin əhatə dairəsini genişləndirəcək yeni oyun və əyləncə kainatı yaradacaq.

Bu investisiya Disneyin indiyədək oyuna ən böyük girişini təmsil edir. Yeni oyun və əyləncə kainatı, Fortnite və onun 100 milyondan çox aktiv oyunçusu və yaradıcısı ilə birlikdə Disneyin sevimli personajlarını və hekayələrini canlandıracaq. Beləliklə, Disneyin böyük fanat bazası Fortnite-in interaktiv və immersiv dünyası ilə tanış olmaq imkanı əldə edəcək.

Disney-in baş direktoru Robert İger investisiyanın şirkətin böyüməsi üçün əhəmiyyətli imkanlar təqdim etdiyini vurğuladı. Epic Games-in təsisçisi və baş direktoru Tim Sweeney, Disney və Fortnite icmalarını bir araya gətirəcək daimi, açıq və qarşılıqlı işləyə bilən ekosistem yaratmaq üçün əməkdaşlıq etdiklərini açıqlayıb.