Netflix və Ankara Bilim Universiteti, Anima Okul ilə birgə 14 həftəlik “Netflix ilə Vizual Effektlər Dünyasına (VFX) Girmək” proqramını işə salacaq.

Facemark.az xarici mənbələrə istinadən xəbər verir ki, Netflix və Ankara Bilim Universiteti 28 Fevral-5 İyun tarixləri arasında davam edəcək 14 həftəlik təlimlə yaradıcı sənayeyə töhfə verməyi hədəfləyir. Bu layihədə animasiya və vizual effektlər təcrübəsi olan təhsil ocaqlarından biri olan Anima Okul da iştirak edəcək. Beləliklə, bu sahədə mütəxəssislərin yetişdirilməsi qarşıya məqsəd qoyulmuşdur.

Kvota 15 tələbə olaraq açıqlanan təlimə Ankara Bilim Universitetinin akademik heyətinin rəhbərliyi ilə tələbələr qatılacaq. Təlimin əsas modullarına “Modelləşdirmə”, “Tekstura”, “Render-İşıqlandırma” və “VFX kompozisiya” kimi modullar daxil olacaq. Modulları tamamlayan tələbələr sektora daxil ola biləcəklər.