İlk modeli 2005-ci ildə yaradılan EMIEW-2 robotu piyada sürəti ilə hərəkət edir, künc və maneələri keçə bilir və bu da onu sərgi və ticarət zallarında bələdçi kimi, eləcə də ahılları müşayiət etmək üçün əvəzedilməz edir.

Yeni model səsli komandanı onun yaddaşında olan vizual məlumat bazası ilə tutuşdurmağı və mənzilin tavanında quraşdırılan videokamera vasitəsilə itən əşyanı tapmağı bacarır, Digit yazır.

Bu funksiya ilk növbədə EMIEW-2-nin qocalar evində və ya ahıl şəxslərin mənzilində köməkçi qismində işləməsi üçün nəzərdə tutulub. Tənha ahıl insanlar üçün istifadəyə məqsədəuyğun hesab edilən və xəstə baxıcısı və köməkçisi kimi özünə yer tapmış robotlar artıq Yaponiyanın sosial təminat bazarında yer tutmağa başlayıb. Ötən ilin noyabrında keçirilən robotlar sərgisində bu mövzu ən çox müzakirə edilən olub.