Avtomobil dünyasının Fransız nəhəngi “PSA Peugeot Citroen”, maliyyə çətinlikləri səbəbindən Çinin “Dongfeng Motor” şirkəti ilə sərmayə birləşməsi razılaşmasına gedəcəyini bəyan edib.
Fransız şirkət, bu razılaşma ilə birlikdə 3 milyard Avro fond təmin etməyi hədəfləyir. Bu çərçivədə Çinli şirklətdən 800 milyon Avro dəstək alacaq. Özü də eyni həcmdə maliyyə vəsaitini təmin edəcəkdir.
Yerdə qalan hissə isə satışla toplanacaqdır. Razılaşma ilə “DongFeng” şirkəti “Peugeot”un 14% səhiminə sahib olacaqdır. Bu razılaşma, 200 ildir avtomobil şirkətinin nəzarətini əlində saxlayan “Peugeot” ailəsinin hakimiyyətinə də son verir. “Peugeot”, bu razılaşma ilə Fransa hökumətindən aldığı yardım paketindən də çıxa biləcək.
