Absolut Vodka brendi  “Little Sun” (balaca günəş) layihəsini incəsənət və musiqi festivalı olan Coachellada həyata keçirtmək üçün rəssam Olafur Eliasson ilə birləşdi. Bu festival Aprel ayının 11-dən 13-nə və 18-dən 20-nədək Kaliforniyada keçirildi.

“Little Sun” Olafur Eliassonun 2012-ci ildə hazırladığı günəş enerjisi ilə işləyən lampadır. Bu lampa müxtəlif ölkələrdə elektrik işıqlandırma problemini həll etmək məqsədi ilə hazırlanmışdır.

“Little Sun” lampası festivalın restoranında quraşdırılmışdır. İstifadəçilər layihə çərçivəsində kiçik ölçülü “Little Sun” lampalarından istifadə edə bilərdilər. Həmçinin dizaynı ilə Eliassonun və Wolff Olins dizayn şirkətinin məşğul olduğu restoranda “Little Sun” sosial layihəsi haqqında məlumat yerləşdirilmişdir. Qonaqlara Absolut brendinin xüsusi kokteylləri də təqdim olunurdu.