Google coğrafiyanı oyun ilə öyrənmək mümkün olan Smarty Pins tətbiqini təqdim etdi. Oyun “Google Maps” istifadəçilərinə məlum olan “sancaqlar”ın köməyi ilə qurulmuşdur. Xəritənin sancaqları marşrut nöqtələrini və yer anlayışlarını ayırd etməyə xidmət edir.

Oyunda suallara cavab vermək üçün sancağı xüsusi hadisənin baş verdiyi lazımı yerə qoymaq tələb olunur. “Smarty Pins” tətbiqinin köməyi ilə tarix və cağrafiya haqqında öz biliklərini asanlıqla təkmilləşdirmək mümkündür.

Doğru cavablara görə xəritədə toxunulmaz “sahələr” qazanılır. 10 saniyə ərzində verilən ən tez cavaba görə isə oyunçu bonus sahə qazanır. Əgər cavab doğru deyilsə o zaman toplanmış ümumi nəticədən sancaqların qoyulduğu sahələr çıxılır. Oyunda “İncəsənət və Mədəniyyət”, “Elm və Coğrafiya”, “İdman və Oyunlar”, “Tarix və bu günün hadisələri” kimi müxtəlif bölmələr var. Oyunun nəticələrini Google+, Facebook və Twitter sosial şəbəkələrində paylaşmaq mümkündür.