Braziliyada məktəbliləri nəzarətdə saxlamaq üçün onların formasına izləmə çiplərinin yerləşdirilməsi ilə bağlı layihə vüsət almağa başlayıb. Artıq Vitoriya da Konkista şəhərində 20 min məktəbliyə qol hissəsi və ya məktəbin embleminin altında mikroçip yerləşdirilmiş formalar paylanılıb. 

213 məktəbdən 25-də tətbiq edilmiş bu çiplər məktəblərdəki serverlərdə verilənlərlə mübadilə aparır. Belə ki, şagird dərsə gələn kimi onun valideyninə bu haqda sms göndərilir. Məktəblinin dərsə 20 dəqiqədən çox gecikdiyi halda isə valideynlərə şagirdin dərsdə iştirak etmədiyi haqda məlumat verilir. 

Üzərində çip yerləşən formanı ehtiyat etmədən yumaq və ütüləmək olar.http://brazilportal.wordpress.com saytının məlumatına görə, formaların hazırlanması, dizaynı və sınaqdan keçirilməsinə 670 min dollar məbləğində maliyyə vəsaiti xərclənib. 

2013-cü ilədək nəzarət sisteminin 4-14 yaş həddində olan 43 000 məktəbliyə tətbiqi nəzərdə tutulub.