“Henley” Pasport İndeksinə əsasən, dünyanın ən güclü pasportları siyahısı dəyişib. Facemark bildirir ki, Azərbaycan bu siyahıda 74-cüdür. Azərbaycan vətəndaşları 63 ölkəyə vizasız səyahət etmək imkanına sahibdir. Qardaş Türkiyə pasportu isə 111 ölkəyə vizasız getmək imkanına sahib olduğu üçün bu sırada 56-cı yerdədir.
Son siyahıya görə 193 ölkəyə vizasız səyahət etmək imkanı verən Yaponiya pasportu dünyanın ən güclü pasportudur.
- Uzaq Şərq ölkəsi olan Sinqapur vətəndaşları 192 ölkəyə,
- Almaniya və Cənubi Koreya pasportu olan insanlar isə 191 ölkəyə vizasız səyahət edə bilərlər.
- Finlandiya, İtaliya, Lüksemburq və İspaniya pasportu olan insanlar 190 ölkəyə vizasız gedə bilərlər.
- Avstriya və Danimarka pasportuna sahib olan insanlar 189 ölkəyə,
- Fransa, İrlandiya, Hollandiya, Portuqaliya və İsveç vətəndaşları 188 ölkəyə,
- Belçika, Yeni Zelandiya, İsveçrə, Böyük Britaniya və ABŞ vətəndaşları isə 187 ölkəyə vizasız daxil ola bilərlər.
- Çexiya, Yunanıstan, Malta və Norveç vətəndaşları 186 ölkəyə,
- Avstraliya və Kanada vətəndaşları 185,
- Macarlar 184 ölkəyə vizasız daxil ola bilərlər.
