Facemark xarici xəbərə istinadən son illərin ən yaxşı cihazlarını təqdim edir:
1. Görmə qabiliyyəti zəif olanlar üçün bir cüt göz: "Aira"
Standart istifadə planı üçün aylıq 99 dollar ödəniş tələb edən "Aira", ya smartfonlarla, ya da "Aira"nın xüsusi eynəkləri ilə canlı görüntülər yayımlamağa imkan verir. Sistem üzərində işləyən və həftənin 7 günü, günün 24 saatı açıq olan köməkçilər gözdən əlillərin paylaşdıqları görüntülərdəki obyektləri izah edir, istiqamət verir və onların suallarını cavablandırır.
2. Əlillər üçün oyun : "Xbox Adaptive Controller"
Əsas düymələrinin diametri təxminən 10 santimetr olan oyun qulpunu dirsək və ya çənə ilə rahat şəkildə sıxmaq olar. Joystik həmçinin lazım olduqda pedallar və oxşar əlavə hissələrlə təcrübəni asanlaşdıra bilir.
3. Daha uzun saxlama müddəti: "Rubbermaid FreshWorks"
Meyvə və tərəvəzlər yetişdikcə oksigeni udur və su, karbon qazı buraxır. "Rubbermaid"in saxlama qabı bu üç elementi həm saxlama qabının içərisində, həm də xaricində təşkil edir. Eyni zamanda hündür dizaynı sayəsində qapaq həm də yeməyin altında nəmin yığılmasının qarşısını alır. Nəticədə meyvə və tərəvəzlər uzun müddət təzə qalır.
4. Ailənizi və dostlarınızı göstərən kompas: "LynQ"
İki nəfərin istifadə etməsinə imkan verən "LynQ" adlı yeni cihaz GPS və uzun dalğalı radiotezliklərin kombinasiyası ilə işləyir və təxminən beş kilometr məsafədə digər cihazlarl tapa bilir. Cihazlar bir-birini tapdıqdan sonra ekranda sizə düzgün istiqaməti göstərir. Bu kəşf valideynlərin və heyvan sahiblərinin işini daha da asanlaşdırır.
5. Sərhədsiz Wi-Fi: "Netgear Orbi Voice"
Wi-Fi dalğalarının siqnal gücü otaqdan otağa fərqli ola bilir. Ancaq Netgear şirkətinin yeni məhsulu "Orbi"də bu problem yoxdur. Mesh texnologiyasından istifadə edən Wi-Fi sistemi bütün evdə eyni keyfiyyətli çəkiliş gücünü təmin edir. İstifadəçinin evin hər hansı bir yerinə yerləşdirdiyi peyk cihazlarına internet siqnalı göndərən "Orbi Voice", cihazların siqnalın hansı kanala daha güclü qoşulmasını təmin edərək sizə sürətli əlaqə təqdim edir. 430 dollar qiymətinə satışa çıxarılan "Orbi Voice", "Amazon"un Alexa ilə işləyən dinamik kimi də istifadə edilə bilər. Cihaz həmçinin səsli əmrlərlə ağıllı ev sistemlərini idarə etməyə imkan verən funksiyalara malikdir.
6. Migren Müalicəsi: "Aimovig"
Sınaq mərhələsində xəstələrin yaşadığı miqren müddətini yarıya endirən dərman 52 min istifadəçidən müsbət rəy alıb. Hər bir dozanın qiyməti 575 dollara başa gəlsə də, "Amgen Aimovig" sığortası olmayanlara bir ilə qədər pulsuz təklif ediləcək.
7. İdman üçün köməkçi güzgü: "Mirror"
1495 dollar qiymət etiketi ilə rəflərdə yerini alan "Mirror", tam ölçülü ekrana malik divara quraşdırılmış interaktiv fitnes məşqçisidir.
8. Divarla birləşən televizor: "Samsung 2018 QLED TV"
1099 dollarlıq televizorda "Ətraf mühit rejimi" var ki, o, incəsənət əsərlərini, havanı və ya şəxsi fotoşəkilləri göstərir. İstəsəniz televizoru divar kimi görünməsi üçün otağa uyğunlaşdıra da bilərsiniz. "Samsun 4K QLED" televizorunun digər mühüm xüsusiyyəti bütün vacib bağlantıların ayrı bir qutuda toplanaraq sizi kabel dağınıqlığından xilas etmək və görünüşü daha səliqəli etməkdir.
9. Ən rahat çamadan: "The Carry-on Closet"
Kənardan adi təkərli çamadana bənzəyən "Carry-on Closet" içərisində elastik, paltarlarınızı sıxılmış və nizamlı saxlayan, təyinat yerinə çatdıqda çıxarılıb asılabilen rəflərə malikdir. İstənilən halda bu rəf sistemi çamadandan tamamilə çıxarıla bilər. "Solgaarf Design" şirkəti tərəfindən hazırlanan bu çamadanın qiyməti 199 dollardır.
