Facemark.az ilham verən qadınlar haqqında ən yaxşı 7 filmi təqdim edir.
1. ''MADE IN DAGENHAM''
Məşhur rejissor Nigel Cole 2011-ci ildə çəkdiyi bu tarixi komediyasında real həyatdan ilhamlanaraq feminist ittifaqını təsvir edir. Ömrünü evdə mətbəxlə fabrik arasında keçirən bu fəhlə qadınlar nəhayət ki, dövlətə qarşı duraraq məqsədlərinə çatırlar.
2. ''PERSEPOLIS''
Rejissor Marjane Satrapinin gənc bir qadının hekayəsi vasitəsilə 1970-ci ildə İran İnqilabından bəhs etdiyi film "Persepolis" adlı komiksdən götürülüb. Animasiya filmi həm də rejissorun tərcümeyi-halının filmə uyğunlaşdırılmasıdır. Qara və ağ komiks orijinalına sadiq qalaraq İran İslam İnqilabından bəhs edən ''Persepolis'' 2007-ci ildə Kann Film Festivalında Münsiflər Heyəti Mükafatını qazanıb.
3. ''AGORA''
Film Roma İmperiyasının hakimiyyəti altında olan İsgəndəriyyədə baş verən hekayədə bir qadın mütəfəkkirin həyatından bəhs edir. Hypatia tanınmış ilk qadın riyaziyyatçı, astronom və filosof idi. Məşhur rejissor Alejandro Amenábarın rejissorluğu ilə çəkilən film, zəkasını və gözəlliyini ortaya qoyacaq bir hekayə ilə tarixin ilk mütəfəkkirlərindən birinin hekayəsindən bəhs edir.
4. ''THE IRON LADY''
Folklend müharibəsindəki böhranı izah edən film İngiltərənin qadın baş naziri, Dəmir Ledi ləqəbli Marqaret Tetçerin kişilərin hökmranlığı altında sinif və cinsiyyət mübarizəsində hakimiyyət mübarizəsindən bəhs edir. Filmdə Meryl Streep Dəmir Ledi obrazını canlandırır.
5. ''WHERE DO WE GO NOW?''
Yaxın Şərqin tikanlı coğrafiyasında dini münaqişələrə və müharibənin mənasızlığına cavab verən Labaki qadınların ağıllı və praktik həlləri ilə kamerasını Livanda bir kəndə çevirir. Müharibədən sonra heç bir müsəlman-xristian ayrı-seçkiliyi etmədən yaşamağa davam edən kəndlilər qarşıdurma xəbəri gəldikdə bir-birlərinə qarşı çıxmağa başlayırlar. Film Toronto Film Festivalından Xalq Mükafatı ilə qayıdıb.
6. ''ROSA LUXEMBURG''
Polşa əsilli alman Marksist siyasi nəzəriyyəçi, filosof və inqilabçı Roza Lüksemburqun həyatından bəhs edən dramın rejissoru Marqaret fon Trottadır. Barbara Sukowa gənc yaşlarında sosializmlə tanış olan və bu məqsəd uğrunda mübarizə aparan, həyatını marksist inqilaba həsr edən bu bənzərsiz qadını canlandırır.
7. Frida
Film incəsənət tarixinin qeyri-adi insanlarından biri olan Frida Kahlonun həyatından bəhs edir. Onun həyat yoldaşı Dieqo Rivera ilə çox maraqlı və müasir münasibəti var. Bundan başqa, o hesab edir ki, siyasi və cinsi azadlıq heç vaxt məhdudlaşdırıla bilməyəcək azadlıqlardır.
