Facemark.az xarici mənbəyə istinadən xəbər verir.
Amerikada yerləşən analitik və idarəetmə konsaltinq şirkəti Gallup "Dünya Xoşbəxtlik İndeksi"nin yeni dövr məlumatlarını dərc edib.
2021-ci ildə adambaşına düşən gəlir, azadlıq, sağlamlıq və sosial yardım imkanları, korrupsiya, təhsil və alıcılıq qabiliyyəti kimi meyarlara görə ölkələrin sıralandığı "Dünya Xoşbəxtlik İndeksi"nin yeni versiyası dərc edilib. 150-yə yaxın ölkədə insanların həyat qiymətləndirmələrini ölçən sorğuların nəticələri ilə yaradılan hesabata görə, keçən il insanların xoşbəxtlik qavrayışına ən çox təsir edən amil bütün dünyanı bürüyən Covid-19 epidemiyası zamanı baş verənlər olub.
Skandinaviya ölkələri öz xoşbəxtliklərini qoruyur
İllərdir "Dünya Xoşbəxtlik İndeksi"nin zirvəsinə embarqo qoyan Skandinaviya ölkələri ötən il də bu keyfiyyətləri qoruyub saxlayıb. Finlandiya 2021-ci il siyahısında açıq lider olaraq qalır. Danimarka isə ikinci yerdədir. Üçüncü yerdə isə bir pillə yüksələn İslandiya qərarlaşıb.
Kanada siyahıda 15-ci yerə geriləyib.
İlk 10-luqdakı digər ölkələr; İsveçrə, Hollandiya, Lüksemburq, İsveç, Norveç, İsrail və Yeni Zelandiyadan sonra Avstriya, Avstraliya, İrlandiya, Almaniya və Kanada gəlir. Dünyanın ən xoşbəxt ölkələrini müəyyən edən siyahının ən böyük yeniliyi 2020-ci il siyahısında beşinci yerdə olan Kanadanın 15-ci yerə enməsi olub.
Siyahının ilk 20-liyinə daxil olmağı bacaran digər ölkələr isə müvafiq olaraq ABŞ, İngiltərə, Çexiya, Belçika və Fransa olub.
Dünyanın xoşbəxt olmayan ölkələri
2021-ci ilin məlumatları ilə hazırlanan "Dünya Xoşbəxtlik İndeksi 2022"də Afrika ölkələrinin əksəriyyətinin olduğu son 10 ölkə - Zambiya (137), Malavi (138), Tanzaniya (139), Syerra Leone (140), Lesoto (141), Botsvana (142), Ruanda (143), Zimbabve (144), Livan (145) və Əfqanıstan (146) yer alıb.
