Bəzi brendlər mesajlaşma və marketinq kampaniyalarında müxtəlifliyə, bərabərliyə və inklüzivliyə üstünlük versələr də, əsas komponentlərdən biri çatışmaya bilər ki, bu da əlçatanlıqdır.

Facemark.az xarici mənbəyə istinadən "Müştərilərlə əlaqə qurmağın açarı: Əlçatanlıq" adlı araşdırma yazını təqdim edir!

Rəqəmsal dünyada az xidmət göstərən istifadəçilərə müraciət etmək xüsusilə vacibdir. Məsələn, kor və ya zəif görən, kar və ya eşitmə qabiliyyəti zəif olan, neyrodivergensiyaya malik olan və ya bəzi orqanlarından istifadə edə bilməyən insanlar. Təcrübə düzgün tərtib edilmədikdə bu istifadəçilər tez-tez maneələrlə üzləşirlər. Onlayn səyahətlər çox vaxt insanlar üçün mürəkkəb bir təcrübədir. Buna görə də brendlər proqramlarının və vebsaytlarının bunu daha da çətinləşdirmədiyinə əmin olmalıdırlar.

Əlçatan istifadəçi təcrübələrinin yaradılması tezliklə qanuni tələbə çevriləcək. Bu il ərzində "Avropa İttifaqı"na üzv dövlətlər "Avropa Əlçatanlıq Qanunu"nu öz qanunvericiliklərinə daxil edəcəklər. Gözlənti budur ki, şərtlər 2025-ci ildə qüvvəyə mindikdə bütün məhsulların və onlayn xidmətlərin əlçatan olması tələb ediləcək.

Əlçatanlıq səyahətinizə haradan başlayırsınız? Budur, əlillərin əlçatanlığı və inklüzivliyi baxımından üç markanın təfsiri:

Procter & Gamble: Əlilliyi olan işçilərlə əlçatanlığın yaradılması

Reklam hekayə anlatmaq yolu ilə insanlarla əlaqə qurduğu üçün güclüdür. Bəs bəziləri bu hekayənin əsas elementlərini görmürlərsə necə? Bu sual istehlak malları istehsalçısı "Procter & Gamble"i video reklamlarına audio təsvirləri (nələrin baş verdiyini izah edən səs) daxil etməyə vadar edib.

P&G-də korporativ əlçatanlıq üzrə lider və görmə qabiliyyəti zəif olan Sem Lətif söyləyir: “Audio təsvir mənim şəxsi təcrübəmdən gəlir. Mən görüşdə olarkən Flash reklamı oynanılırdı, amma eşitdiyim tək şey Queen-in "Flash" mahnısı idi. Bilmədiyim o idi ki, bu mahnını it oxuyur. Çünki audio təsviri olmasaydı, reklamın yumorunu başa düşə bilməzdim”. P&G komandası audio təsvirləri necə hazırlamağı və onu öz reklamlarına inteqrasiya etməyi öyrənmək üçün "Kral Milli Korlar İnstitutu" ilə işləmişdir.

P&G bununla da dayanmayıb. İlk audio təsviri "Superbowl" reklamını 2021-ci ildə yayımlayıb. Onlar həmçinin, Böyük Britaniyada ilk adaptiv audio təsvir sınaqlarını keçiriblər. Onlar "YouTube" kanallarına audio təsvirləri dəəlavə ediblər.

L'Oréal: Dizayn təlimatları vasitəsilə əlçatanlığın yaradılması və inkişafı

L'Oréal yeni veb-saytını yaradarkən əlçatanlığa üstünlük verib. Gözəllik şirkətinin rəqəmsal layihə direktoru François Cunche deyir: “Əlilliyə doğru ilk addım əlilliyin müxtəlif növlərini və onların milyonlarla insana necə təsir etdiyini başa düşməkdir”.

Görmə və idrak qabiliyyəti zəif olan müştərilərin vebsaytdan necə istifadə etdiyini öyrəndikdə, şirkət daxilində məlumatlılığı artırmaq üçün hərəkətə keçdilər. Onlar veb-sayt təcrübəsini yaxşılaşdırmaq üçün sənaye standartı "Veb Məzmununa Əlçatanlıq Təlimatları"nı (WCAG) qəbul etdilər. Təlimatların müəssisə daxilində həyata keçirilməsinə kömək etmək üçün onlar ixtisaslaşmış agentliklə əməkdaşlıq etdilər.

Təməllər qurulduqdan sonra komanda digər xüsusiyyətləriəlavə edərək onu bir addım daha irəli apardı. Məsələn, onlar indi vebsayt naviqasiya menyusunda əlçatanlıq nəzarətlərini təklif edirlər. Beləliklə, istifadəçilər ehtiyaclarına uyğun olaraq müəyyən parametrləri seçə bilərlər.

Birinci xüsusiyyət yüksək kontrast rejimidir. Bu funksiya fon şəkillərini silir və sayta güclü qara-ağ kontrastla göstərməyə imkan verir ki, bu da oxumağı və məzmuna fokuslanmağı asanlaşdırır.

Səhifənin statik başlıq şəklinə sahib olması və animasiyaları söndürmək üçün bir seçim də əlavə etdilər. Bu xüsusiyyət hərəkətli təsvirlərin başgicəllənmə, baş ağrısı və ürək bulanmasına səbəb ola biləcəyi vestibulyar pozğunluğu olan insanlara kömək edə bilər.

Booking.com: Daxili tərəfdaşlıqlar vasitəsilə əlçatanlığın yaradılması

Rəqəmsal səyahət şirkəti Booking.com, tətbiqinin müxtəlif elementləri üzərində işləyən bir çox komandadan ibarət böyük və mürəkkəb bir təşkilatdır. Fərqli insanlar, kodlar və dizaynlar tətbiqə daxil olduğu üçün bəzi xüsusiyyətlər lazım olduğu kimi işləmədi.

Məsələn, əlçatanlıq komandası sınaq zamanı müəyyən etdi ki, bəzi naviqasiya nişanları ekran oxuyucuları (ekrandan vizual məlumatı ucadan oxuyan proqram təminatı) ilə düzgün işləmir. Bəzi hallarda, ekran oxuyucusu səhv nişanı oxuyur. Məsələn, ola bilsin ki, “Avtomobil icarəsi” bölməsinə getmək istəyən şəxs təsadüfən “Taksi” səhifəsinə yönləndirilib.

Əlçatanlıq komandası proqramda tikinti blokları olan komponentləri yeniləmək üçün dizayn sistemləri komandası ilə əməkdaşlıq etdi. Beləliklə, ekran oxuyucu dəstəyi kimi əlçatanlıq xüsusiyyətləri sıfırdan quruldu.

"Booking.com"da Mühəndislik Meneceri və Əlçatımlılıq Rəhbəri Parham Doustdar izah edir: “Əgər biz standart olaraq əlçatan komponentlərdən istifadə etsək, həmişə dəqiqliyi təmin etməyə diqqət etmədən yeniliklər edə və işləri sürətləndirə bilərik”. Anadangəlmə kor olan Doustdar ekran oxuyucuları ilə vebsayt və proqramlarda naviqasiya üzrə mütəxəssisdir.

Bununla belə, bu tədqiqatlar problemi tamamilə həll etmədi, çünki dəyişiklikləri əks etdirməyən bəzi köhnə komponentləri tapdılar. Onlar öz təşkilatlarında bu texnologiyanı yeniləyə bilən başqa komanda ilə əməkdaşlıq ediblər ki, əlçatanlıq dəyişiklikləri bütün tətbiqdə qəbul edilsin. İndi səhifələr yaradıldıqca və yeniləndikcə proqramda işləyən hər kəs avtomatik olaraq daxili əlçatanlığı olan komponentlərdən istifadə edir.

Doustdar yekunlaşdırır: “Heç kim istifadə etmirsə, komponentlərinizin nə qədər əlçatan olmasının əhəmiyyəti yoxdur. Mümkün olduqda, mövcud təşəbbüslərdən istifadə etməli və digər komandalarla işləməlisiniz.

Əlçatanlığın praktikada tətbiqi və əlçatanlığı yaxşılaşdırmağa kömək edəcək bəzi məsləhətlər:

Əlçatanlığı təşkilat miqyasında prioritet edin. Menecerlərinizdən dəstək alın və təcrübənin insanları kənarlaşdıra biləcəyi vəziyyətləri fəal şəkildə araşdırın.

Əlilliyi olan işçilərlə və əlçatanlığı olan müştərilərlə işləməklə birgə dizayn edilməlidir. Əlillər bu mövzuda mütəxəssislərinizdir. Heç kim onların təcrübəsini onlardan yaxşı başa düşmür. Buna görə də onların fikirlərindən yararlanın.

Və hər şeydən əvvəl, insanların müxtəlif ehtiyaclarının dəyişməkdə davam etdiyini unutmayın, ona görə də daha əlçatan istifadəçi təcrübələri yaratmaq üçün həmişə görüləsi daha çox şey var. Ən əsası başlamaqdır.