Facemark.az SMS marketinqdə müştərilərin SMS-lərə olan reaksiyası haqqında araşdırma yazını təqdim edir!
Demək olar ki, hər gün brendlər istehlakçıları promosyonlar haqqında məlumatlandıran mesajlarla doldurur. Bununla belə, bir çox istehlakçı bildiriş panelindən bu mesajları nəzərdən keçirir və hamısını oxumadan onları silir. Beləliklə, tanıtım mesajlarının alış vərdişlərinə nə dərəcədə təsir etdiyi də müzakirə olunur. Tədqiqat göstərir ki, çoxlu reklam mesajları istehlakçını brenddən uzaqlaşdırır.
“Optimove” tərəfindən "Pərakəndə Alış Seçimləri üzrə 2022 İstehlakçı Sorğusu"na görə istehlakçıların 47 faizi həddən artıq çox tanıtım mesajı göndərən markalardan imtina edəcəklərini bildirib. Sorğuda iştirak edənlərin 71 faizi təklifin aktuallığına əsaslanaraq reklam xarakterli mesajlara açıq olduqlarını bildirsələr də, 63 faizi pərakəndə satıcıdan aidiyyatı olmayan mesajlar almağı xoşlamadıqlarını bildirib.
Araşdırma çərçivəsində istehlakçılardan hansı kanallardan alış-verişə üstünlük verdikləri də soruşulub. Nəticələr göstərir ki, istehlakçıların ən çox alış-veriş etməyi xoşladığı kanallar mağazalar (59 faiz) və onlayn kanallardır (57,60 faiz). Digər tərəfdən iştirakçıların 42 faizi məhsulu onlayn nəzərdən keçirməyə və mağazadan almağa üstünlük verir.
“Optimove”un baş direktoru Pini Yakuelin sözlərinə görə “Pərakəndə satış brendləri daha çox satış aparmaq üçün tez-tez marketinq mesajlarının tezliyini artırır”. Bu taktikalar əksər istehlakçıları “Mən artıq bu məhsulu almayacağam/daha bu markadan alış-veriş etməyəcəyəm” deməyə vadar edir. Beləliklə, onlar abunəni ləğv edirlər. "Ancaq bu nəticələr göstərir ki, marketoloqlar istehlakçı-brend münasibətlərini dərinləşdirmək üçün mesajların aktuallığını artırmalıdırlar."
“Optimove” vasitəsilə “Survey Monkey” tərəfindən aparılan "Pərakəndə Alış Tercihləri üzrə 2022 İstehlakçı Araşdırması" 2022-ci ilin ikinci rübündə 500 ABŞ istehlakçısı ilə aparılıb. İştirakçıların 52 faizi kişi, 48 faizi isə qadın olub.
