Formula 1 olmaqla müxtəlif idman sahələrindəki sərmayələri və uğurları ilə tanınan avstriyalı iş adamı, "Red Bull" enerji içkisinin həmtəsisçisi Dietrich Mateschitz 78 yaşında dünyasını dəyişib. Mateschitz 20 may 1944-cü ildə Avstriyada anadan olub. 1972-ci ildə Hochschule für Welthandel univeritetinin marketinq fakültəsini bitirib. İlk iş təcrübəsini "Unilever"də yuyucu vasitələr üzrə marketoloq kimi işləmişdir. 1979-cu ildə "Procter & Gamble" tərəfindən alınan Alman kosmetik şirkəti "Blendax"da işləməyə başlamışdır.

İş ilə bağlı çoxlu səyahətlər edən Dietrich Mateschitzə səyahətlərin birində insanlara enerji gətirən içkidən bəhs edilir. Bu içkinin adı Krating Daeng idi. Krating Daeng adlanan bu içkinin hərfi mənasını "Red Gaur" idi. "Gaur" sözü Cənub-Şərqi Asiya bölgəsində bizona deyilir. "Red Bull" üçün işlərə başlayan Mateschitz 1984-cü ildə işini tərk edərək yalnız bu enerji içkisinə diqqət ayırmağa başlayır. Beləliklə, Taylandlı iş adamı Chaleo Yoovidhya ilə birlikdə 500 min dollara "Red Bull" şirkətini quraraq ilk addımı atırlar. İlk olaraq Avstriyada başlayan satışlar insanlar tərəfindən bəyənilmir və 2 ildə böyük zərərlə qarşılaşırlar. Lakin o dövrdə Almaniyada içki qadağan olunduğu üçün "Red Bull" qeyri-qanuni bir içki kimi böyük diqqət çəkməyə başladı. İnsanlar yalnız "Red Bull" almaq üçün Avstriyaya gəlməyə başladılar. Enerji içkisi 1994-cü ildə Almaniya və İngiltərədə. üç ildən sonra isə ABŞ bazarına daxil olmağı bacarır. ABŞ bazarına girdiyi gündən "Red Bull" hər gün bir milyondan çox qutu satır. Dietrich Mateschitz, "Red Bull"u daha çox tanıtmaq üçün universitetlərdən başlayır. O, tələbələrə üzərində "Red Bull" olan avtomobillər verərək onlardan universitet ətrafında sürmələrini istədi. Nəticədə marka daha da tanınır. Zamanla festivallarda, parti və yığıncaqlarda "Red Bull" daha çox bəyənilən içki oldu. Və 2019-cu ildə7,5 milyard içki satışı ilə rekord satışa imza atdı. İllər keçdikcə güclənən "Red Bull" hazırda 2 Formula 1 komandası, 5 futbol klubu və 1 xokkey komandasına sahibdir. "Forbes"in məlumatına görə, Dietrich Mateschitz 26,9 milyard dollar sərvəti ilə "Dünya milyarderləri siyahısı"nda 26-cı sırada idi.