Meta, Facebook-un istifadəçi məlumatlarını araşdırma firması ilə paylaşmasından sonra açılan məhkəmə iddiasında 725 milyon dollar ödəməyə razılaşıb.

Facemark.az xarici mənbəyə istinadən xəbər verir ki, iddiaçılar bildirirlər ki, bu, məxfilik iddiasında ödənilən ən yüksək məbləğ olsa da, Facebook-un kollektiv davada ödədiyi ən yüksək məbləğdir.

Bu razılaşma Meta-nı 2018-ci ildə Donald Trampın 2016-cı il seçki kampaniyası ilə əlaqəli Britaniya araşdırma şirkəti Cambridge Analytica-nın Facebook-un təxminən 87 milyon istifadəçisinin məlumatlarına çıxış əldə etməsindən sonra platforma istifadəçiləri tərəfindən qaldırılan iddianın yekununa bir addım yaxınlaşdırır. Razılaşma federal hakim tərəfindən təsdiqlənməlidir.

Bildirilir ki, razılaşma baş tutmasa və Facebook-un ana şirkəti Meta məhkəməni uduzsa, şirkət daha yüz milyonlarla pul ödəməli olacaq.