Instagram-ın yaradıcıları Kevin Systrom və Mike Krieger, Artifact adlı yeni sosial media tətbiqini təqdim etdilər.

Facemark.az xarici mənbəyə istinadən xəbər verir ki, Systrom və Kriegerin yeni tətbiqi Artifact mətn məzmunu üçün Google Reader və ya TikTok-un yenilənmiş versiyası olaraq təyin edilə bilər.

Instagram 2012-ci ildə Facebook (indiki Meta) 1 milyard dollara satın aldığı Kevin Systrom və Mike Krieger tərəfindən təsis edilib. Bu satınalmadan sonra Facebook daxilində işləməyə davam edən iki ad 2018-ci ildə Facebook ilə yollarını ayırıb. İkili illər sonra yeni proqramla gündəmə gəlib.

Məqalələrin, məlumatların və süni intellektin bir araya gəldiyi bir platforma olaraq qurulan Artifact, istifadəçilərinə blog səhifələrindən tutmuş böyük nəşriyyatlar tərəfindən paylaşılan məzmuna qədər bir çox sahədə məqalələr nümayiş etdirəcək. İstifadəçi seçimlərini təhlil edən fonda işləyən süni intellektlə TikTok-un For You axınına bənzər mətn məzmununu görmək mümkün olacaq.

Hazırda gözləmə siyahısına qeydiyyat açıqdır, hələ başlanğıc mərhələsində olsa da, həm Android, həm də iOS versiyaları var.

Qeyd edək ki, proqramın beta versiyasını sınaqdan keçirən istifadəçilər daha iki axına daxil ola bilərlər. Bunlardan biri də istifadəçilərin şərhləri ilə birlikdə izlədikləri istifadəçilərin paylaşdıqları məzmunu görə biləcəyi lentdir; digəri isə istifadəçilərin bir-birinə məqalələr göndərə biləcəyi mesaj qutusudur.