Facebook və Instagram istifadəçiləri ödənişli doğrulama nişanları əldə edə biləcəklər
Facemark.az xarici mənbəyə istinadən xəbər verir ki, Mark Zukerberq Facebook və Instagram-da doğrulama nişanlarının tətbiqini elan edib. İşarə bu həftə görünəcək.
Meta Verified hesabınızı şəxsiyyət vəsiqənizlə təsdiqləməyə imkan verəcək. Bundan sonra istifadəçilər mavi nişan və əlavə qorunma əldə edə biləcəklər. Beləliklə, digər istifadəçilər öz hesablarını başqasının hesabı kimi çıxara bilməyəcəklər. Mavi işarənin qiyməti masaüstü versiyası üçün 11,99 dollar, iOS platforması üçün isə 14,99 dollar olacaq. Hələlik xidmətdən yalnız Avstraliya və Yeni Zelandiyadan olan istifadəçilər istifadə edə biləcək.
Qeyd edək ki, bu xidmət bütün Meta şirkəti üçün yeni gəlir mənbəyinə çevrilə bilər. Xüsusilə Apple-ın iOS-da məxfilik dəyişikliklərini tətbiq etməsindən sonra şirkətin mənfəəti son illərdə azalıb.
