Facemark.az xarici mənbəyə istinadən xəbər verir ki, Apple-ın yeni proqram və aparat məhsullarını təqdim etdiyi WWDC- nin tarixi açıqlanıb. Apple tərəfindən çatdırılan məlumata görə , WWDC 2023 5 İyunun Bazar ertəsi günü fiziki iştirakla reallaşacaq . Xatırladaq ki, WWDC pandemiya səbəbindən son bir neçə il ərzində yalnız onlayn rejimdə keçirilir.

Onu da əlavə edək ki, fiziki iştirakla baş tutacaq WWDC 2023 canlı yayımlanacaq. Əsasən proqrama əsaslanan konfrans olan WWDC 2023-də iOS, watchOS, iPadOS və macOS kimi Apple əməliyyat sistemlərinin yeni versiyaları təqdim ediləcək. iOS 17, iPadOS 17, watchOS 10, macOS 14 və tvOS 17 ilə bağlı bütün təfərrüatları WWDC 2023 çərçivəsində çatdıracağıq .

WWDC proqram yönümlü konfrans olsa da, son illərdə WWDC-də müxtəlif aparat məhsullarının təqdim edilməsinin də şahidi olduq. WWDC 2023 sərgisində təqdim oluna biləcək avadanlıq məhsulları arasında M3 çipindən istifadə edən yeni MacBook Air və iMac , qarışıq reallıq eynəkləri və yeni iPad modelləri var.

Onu da əlavə edək ki, Apple həm texniki, həm də proqram təminatı baxımından sürprizlər edə bilər. Apple tərəfindən verilən məlumata görə, WWDC çərçivəsində baş tutacaq Swift Student Challenge üçün müraciətlər aprelin 19-dək davam edəcək.