WhatsApp daha bir yeni yeniləmə elan etdi. Yeniləmə ilə fotoşəkillər, videolar və ya sənədlərin altına əlavə olunan mətnlər də redaktə edilə bilər.

Facemark.az xarici mənbəyə istinadən xəbər veri ki, WhatsApp son vaxtlar tez-tez yeni funksiyalar təqdim edir. Tətbiq indi əvvəllər təklif etdiyi mesajların redaktə funksiyasının əhatə dairəsini genişləndirən yeni funksiyanı elan etdi. Müvafiq olaraq, göndərdiyiniz foto və videoların altına əlavə etdiyiniz mətnlər də redaktə edilə bilən hala gələcək.

“WhatsApp” iOS və Android cihazları üçün təkmilləşdirilmiş başlıq mesajı redaktə funksiyasını elan edib. Bu yeni xüsusiyyət istifadəçilərə fotoşəkillər, videolar, GIF-lər və sənədlər kimi müxtəlif media növlərinə əlavə edilmiş yazıları göndərdikdən sonra belə redaktə etməyə imkan verəcək.

Bu funksiyadan istifadə etmək üçün WhatsApp-ın ən son yeniləməsinə sahib olmalısınız. Tətbiqi yenilədikdən sonra onu basıb saxlamaqla göndərdiyiniz video, foto, GIF və ya sənəd mesajını redaktə edə bilərsiniz.

Təbii ki, altyazı redaktə xüsusiyyətinin müəyyən bir vaxtı var. Başlıqlı mesaj göndərdiyiniz zaman onu 15 dəqiqə ərzində redaktə etməlisiniz.

Mesajı redaktə etmək yalnız ilkin olaraq göndərilmiş cihazdan mümkündür. Məsələn, mobil telefondan göndərdiyiniz mesajı WhatsApp masaüstündə düzəltmək imkanınız yoxdur.