X və ya əvvəllər bilindiyi kimi Twitter, 2019-cu ildə, Cek Dorsinin CEO olduğu dövrdə, reklamlarla bağlı mühüm qərar verərkən, platformadakı bütün siyasi reklamların qlobal miqyasda qadağan edildiyini açıqladı. Burada tapa biləcəyiniz açıqlamada Dorsey, siyasi mesajların çatdırılması üçün pul ödəməyin düzgün olmadığını və bunun mənfi nəticələrə səbəb ola biləcəyini ifadə etdi.

Facemark.az xarici mənbəyə istinadən xəbər verirk i, hazırda İlon Maskın idarəçiliyində olan X-in paylaşdığı bloq yazısı bu qadağanın aradan qaldırılacağını göstərdi. Açıqlamaya görə, yenidən platformada siyasi reklamlara icazə veriləcək.

X öz bloq yazısında ilk olaraq ABŞ-dan başlayaraq siyasi reklamlara icazə verəcəyini açıqladı. Şirkət bu qərarın Maskın dəfələrlə ifadə etdiyi “ifadə azadlığına sadiqliyinə” görə verildiyini bildirib.

Sosial media nəhəngi, qadağa qaldırılsa belə, siyasi reklamlarla bağlı müəyyən siyasətlər həyata keçirməyə davam edəcəyini bildirib və bəzi tədbirlərin görüləcəyini vurğulayıb. Bu tədbirlərə seçkilərə ictimai etimadı sarsıtmağa yönəlmiş yalan və ya aldadıcı məzmunun qadağan edilməsi daxildir.
Bundan əlavə, X reklamlar üçün qlobal şəffaflıq mərkəzi quracağını bəyan edib. Bu proqram hər kəsə siyasi yazıları nəzərdən keçirməyə və yalnız uyğun qrupların reklam edə biləcəyini təmin etməyə imkan verəcək.