Tük havayolu şirkəti Turkish Airlines "Batman Supermanə qarşı" filminin rəsmi sponsoru oldu. Anadolu agentliyinin məlumatına əsasən onun adi ağ rəngli qanadlarında artıq iki qəhrəman Batman və Supermanin loqoları təsvir olunacaq. Turkish Airlines təyyarəsində rəsmiləşdirilən yeni rənglər Warner Brothers studiyası tərəfindən gözlənilən "Batman Supermanə qarşı: Ədalət vaxtı" (Batman VS Superman: Dawn Оf Justice) filminin reklam kampaniyasının bir hissəsidir.

Turkish Airlines filmin və eyni zamanda 24 – 25 mart tarixlərində Böyük Britaniya və "ABŞ"da keçiriləcək olan qala gecəsinin də rəsmi sponsor oldu. Şirkətin idarə heyətinin sədri İlker Aydzhi qeyd edib ki, Warner Brothers ilə razılaşma əsasında Turkish Airlines reklamı məhz filmin özündə yerləşdiriləcək. Türk Hava Yollarının rəhbəri bildirib ki, "Biz hər gün türkiyə ilə ABŞ arasında beş min sərnişin daşıyırıq. Bizim "ABŞ"da təyyarələrimizin uça biləcəyi doqquz mərkəzimiz olacaq. Sərnişinlərimizin siyahısı isə gün ərzində 6,5 minə qədər genişlənəcək".

Əməkdaşlıq çərçivəsində Türk Hava Yolları öz müştəriləri üçün səhmlər hazırlayıb. Uşaqlar isə təyyarənin göyərtəsində superqəhrəmanların oyuncaqlarını və üzərində filmin loqosu olan digər əşyaları hədiyyə olaraq alacaqlar. Arzu edənlər filmin rəmzləri olan Miles&Smiles kartlarını qeydiyyatdan keçirə bilər. Business Class sərnişinlərini isə xüsusi surprizlər gözləyir. Filmin müəllifi isə məşhur rejissor Zack Snyderdir. Superman rolunu Henry Cavill, Batman rolunu isə Ben Affleck canlandırıb.