25 Aprel tarixində “IB Club” Gənclərin İnkişaf Mərkəzi və “Neftçi” Peşəkar Futbol Klubunun təşkilatçılığı ilə baş tutacaq IB Gənclər Festivalının təqdimat mərasimi keçirildi. Təqdimat 100-dən çox seçilmiş gəncin iştirakı ilə “Bakcell Arena” stadionunda baş tutdu. Tədbirdə layihənin təşkilati dəstəyi kimi yer alan “ASAN Könüllüləri” Təşkilatı və “YAP” Gənclər Birliyi nümayəndəsinə dəstəyə görə minnətdarlıq bildirildi. Eyni zamanda təqdimat müddətində Festivalın rəsmi saytı və iştirak edən seçilmiş gənclərə “Festivalın Elçisi” statusu təqdim olundu.

“IB Gənclər Festivalı” nədir?

GƏNC və GƏNC ruhlu insanlar, bu Sizin Festivalınızdır!

Həm əylənmək, həm öyrənmək? Bunun cavabını yaşayacaqsınız. Həm də tək yox, nə az, nə çox 11 001 gənclə! 11 001 ürək birlikdə döyünəcək, birlikdə öyrənib, birlikdə əylənəcək! Əsl gənclik havası Festivalda olacaq!

Festivalda nələr olacaq?

- Ölkənin tanınmış və gənclərin sevimlisi olan şəxslərin çıxışları;

- Sevdiyiniz müğənnilərin ifası;

- Gənclər dalğası;

- Sizinlə birlikdə oxuyacağımız 11 001-lik ilk milli xor;

- Stadion ətrafı boyunca müxtəlif oyunlar;

- Şirkətlər tərəfindən gənclərə özəl hədiyyə və təqdimatlar;

Tamamilə ödənişsiz olan biletləri əldə etmək üçün sayta daxil olaraq qeydiyyatdan keçmək mümkündür. www.ibgenclerfestivali.az

11001-dən biri SƏNsən!

Arenaya gəl, həyəcanı yaşa!