Xarici və yerli televiziyaların iyun və iyul ayları üzrə reytinqinə nəzər yetirdikdə məlum olur ki, azərbaycanlıların ən çox izlədikləri kanal ATV Azərbaycandır.

Facemark.az Ailə TV Televiziya xidmətləri operatorunun məlumatlarına istinadən xəbər verir ki, belə ki, kanal təkcə iyun ayı ərzində 22325 saat izlənilib. İyul ayında isə bu göstərici 12564 saata düşüb. Bu isə yay mövsümündə TV-yə baxanların sayının azalması ilə əlaqələndirilir. İyun ayı ərzində yerli TV-lər arasında ən çox baxılan 3-cü kanal İdman Azərbaycanı olub. Bu isə çox güman ki, Rusiyada təşkil edilən futbol üzrə Dünya Çempionatı ilə bağlı olub. Elə bunun nəticəsidir ki, iyul ayı ərzində də İdman Azərbaycan kanalı 3-cü yerini AZTV-yə verib. Amma yenə də yerli TV-lər arasında baxılan 4-cü kanal olmağı bacarıb. Qeyd etmək lazımdır ki, futbol üzrə Dünya Çempionatı iyunun 14-dən start vermiş və iyulun 15-ə kimi davam etmişdir. İyun ayı ərzində yerli və xarici televiziya kanallarının daxil olduğu ümumi reytinqə nəzər saldıqda isə məlum olur ki, TOP 10-ğa ATV Azərbaycan (1-ci yer), Xəzər TV (2-ci yer), İdman Azərbaycan (5-ci yer), AZTV (7-ci yer), ARB TV (9-cu yer) daxil olub.

İyunda yerli TV-yə baxanların statistikası

İyun ayının TOP 10-ğu

İyulda yerli TV-yə baxanların statistikası

İyul ayının TOP10-ğu

İyun ayının reytinqində cəmi ilk 60 xarici və yerli kanalların siyahısı tərtib olunmuşdur. Amma iyul ayında isə bizə təqdim edilən ilk 70 xarici və yerli TV kanalları olduğundan bu dəfəki siyahıda biz Dünya TV ilə yanaşı, MUZ TV Azərbaycan, ARB Günəş, Dalğa, ARB Ulduz TV kanallarının da adını reytinqə daxil etmişik. İyul da yerli və xarici kanallar arasında ən çox izlənilən TOP 10 TV-yə gəldikdə isə ATV Azərbaycan və Xəzər TV yenə birinci və ikinci yerləri əldən verməyiblər. TOP 10-ğa AZTV, İdman Azərbaycan, İctimai TV daxil olmağı bacarıb.

Qeyd edək ki, növbəti yazımızda azərbaycanlıların ən çox izlədiyi türk və rus kanalları haqqında məlumat verəcəyik.