İyunun 4-dən Türkiyəyə gələn əcnəbilər üçün yeni qaydalar qüvvəyə minir.

Facemark.az “Report”a istinadən xəbər verir ki, ölkəyə gələnlər maksimum 72 saat əvvəl keçdikləri PCR testinin, yaxud 48 saatədək əvvəl keçdikləri sürətli anticisim testinin mənfi nəticəsinə dair sənəd təqdim etməlidir. Bunu Mədəniyyət və Turizm Nazirliyi bildirib.

Bununla yanaşı, azı 14 gün əvvəl peyvənd olunduğuna, yaxud son 6 ay ərzində COVID-dən sağalmasına dair rəsmi sənəd təqdim edən əcnəbi vətəndaşdan PCR testinin nəticəsinə dair arayış tələb olunmayacaq.