«Unibank»-da faizsiz «ALBALI» taksit-kartları üzrə nağdlaşdırma aksiyasına start verildi. Kartın nominalından asılı olmayaraq, onların sahibləri artıq bankomatlar vasitəsi ilə 200 manata qədər nağd pul ala bilərlər.

ATM-lərdə nağdlaşdırıla biləcək məbləğlər, müvafiq olaraq, 100, 150 və 200 manata bərabər olmalıdırlar. Bütün «ALBALI» kart sahibləri bu zaman cəlb etdikləri vəsaitləri sonrakı 3 ay ərzində bərabər hissələrlə ödəyəcəklər. Nağdlaşdırma əməliyyatlara görə tətbiq olunan Bankın vahid komissiyası 5% təşkil edir.

Qeyd edək ki, «ALBALI» kartları müştərilər tərəfindən həmçinin nağdsız əməliyyatlar üçün geniş istifadə olunur. Bu kartlar vasitəsi ilə sayı artıq 84-ə çatan «Unibank» tərəfdaşlarının ticarət və servis nöqtələrindəki POS-terminallarda müxtəlif növ xidmət və malların alınması təmin edilir. Digər taksit-kartlarından fərqli olaraq, «ALBALI» kartları POS-terminallar ilə bərabər bir sıra İnternet-mağazalarda və Hesab.az ödəmə portalında qəbul olunur. Alınacaq malların dəyəri hissə-hissə bir neçə ay ərzində (12 ayadək) hər növbəti ayının 1-dən 10-na kimi ödənilir. Bundan başqa, «ALBALI» kartları üzrə aparılan əməliyyatlar zamanı müəyyən faiz müştərilərə bonus kimi qaytarılır.

Xatırladaq ki, faizsiz «ALBALI» taksit-kartları «Unibank» tərəfindən iyulun 13-dən buraxılır. Bu kartlar illik faiz dərəcəsi 0% olan 3000 AZN-dək məbləği, heç bir komissiyasız, 36 aya qədər cəlb etməyə imkan verir. «ALBALI» kartlarının sifarişi yalnız iş yerindən arayış əsasında və zaminsiz aparılır.

«ALBALI» nağdlaşırdma aksiyası və bu kartların sifarişi haqqında daha ətraflı məlumatı (012) 117 telefon vasitəsi ilə əldə edə bilərsiniz. «ALBALI» layihəsinin daima artan tərəfdaşların siyahısı ilə «Unibank»-ın saytında tanış olmaq olar - http://unibank.az/ru/private-clients/albali/