Azərbaycanın telekommunikasiya sektorunda uzun illərdir uğurla fəaliyyət göstərərək əsasən kabel televiziyası, IPTV və internet provayder xidmətləri göstərməkdə olan “Kaspian Telekom” MMC şirkəti tarixində ilk dəfə olaraq Ailə TV və Ailə NET brendlərinin restaylinq tədbirləri çərçivəsində dizayn və üslubunu dəyişib. Eyni zamanda şirkət artıq yeni “Hər kəsə dəyərli” şüarı ilə öz xidmətlərini mövqeləndirəcək.

Zamanın tələblərinə uyğunlaşma tədbirləri təkcə brendin vizual olaraq yenilənməsi deyil, həm də keyfiyyətcə daha üstün və innovativ xidmətlərin tətbiqini özündə əks etdirir.

Plan üzrə həyata keçirilən işlərin nəticəsi olaraq artıq abunəçilərin rahatlığı üçün yeni Aile Mobile tətbiqi həm "Playstore" həm də "Appstore" platformalarında təqdim olunmuşdur. Bu mobil əlavədən istifadə etməklə abunəçilər həm şirkətin təqdim etdiyi müxtəlif xidmətlər üzrə abunəlik hesablarına nəzarət edə, həm də abunə haqqlarını ödəməklə bonuslar toplaya bilərlər.

Ailə TV-nın IPTV xidməti vasitəsilə dünyanın hər yerindən 200-dən çox televiziya kanalının izlənməsi imkanı da indi hər kəsə əlçatandır, belə ki xidəmtdən istifadə üçün həm müasir Ailə TV Player cihazı həm də LG və Samsung Smart televizorları üçün əlavələr, "Playstore" eləcə də "Appstore"da Aile TV əlavələri istifadəyə verilmişdir. Televizorları Smart olmayan istifadəçilər də yeniliklərdən kənarda qalmayıb, onların rahatlığı üçün android 9 əməliyyat sistemində çalışan yeni nəsil Ailə TV Player cihazları yaxın günlərdə satışda olacaq.

Yeni brend altında eyni zamanda şirkətin aile.tv internet səhifəsi yenilənmişdir, Bakı şəhərində 8 və Gəncə şəhərində 1 xidmət şəbəkəsinin korporativ üslubu yeni brendə uyğun tərtib edilməkdədir. Yenilənmə tədbirləri şirkətin bütün digər vizual daşıyıcıları və reklam, promo materiallarında da uğurla başa çatdırlımışdır.