Marka dəyərləndirmə şirkəti Interbrand-ın hazırladığı hesabatda 2012-ci ilin ən dəyərli 100 markası açıqlanıb. Buna əsasən, 7.5 milyard ABŞ dollarlıq marka dəyəri ilə Hyundai keçən ilə nisbətdə 8 pillə daha irəliləyərək 100 ən dəyərli qlobal marka arasında 53-cü yerə çıxmışdır. 100 dəyərli marka siyahısına sadəcə 11 avtomobil markası daxil ola bilmişdir ki, onların marka dəyəri son il ərzində orta hesabla 11.2% artmışdır. Hyundai markasının dəyəri isə 2011-ci il ilə müqayisədə 24.4% artmışdır. Qeyd edək ki, Hyundai markasının dəyəri 2005-ci ildən müntəzəm şəkildə yüksəlməkdədir. Interbrand reytinq cədvəli şirkətlərin maliyyə balansları, marketinq fəaliyyətləri nəzərə alınmaqla və hər markanın gözlənilən qazanc nisbətləri əsasında hazırlanır.