Azərbaycanda “Google Pay” ödəniş sistemi aktivləşdirilib.

Facemark.az "Azərtac"a istinadən xəbər verir ki, bu gün “Google Pay” Azərbaycanda rəsmi olaraq istifadəyə verilib. Artıq Azərbaycanda “Android” telefon və ya “Wear OS” istifadəçiləri “Google Wallet” tətbiqi vasitəsilə ödəniş kartlarını yadda saxlaya, “Google Pay” ilə rahat, təhlükəsiz və təmassız ödənişləri həyata keçirə biləcəklər.

Mərkəzi Bank maliyyə innovasiyaları və rəqəmsal ödəniş xidmətlərini təşviq etməklə təmassız ödənişlərin genişlənməsi, bununla da iqtisadi subyektlər üçün daha əlverişli ödəniş həllərinin təqdim edilməsi istiqamətində fəaliyyətini davam etdirir.