Nar Mobile mobil operatoru cari ilin mart ayında başladığı pulsuz dəqiqələr kampaniyasını davam etdirir. Kampaniya nömrəni aktivləşdirdikdən sonra yeni abunəçilərə bir neçe üstünlük imkanı təklif edir. Belə ki, hədiyyə olaraq abunəçiyə bir il ərzində hər ay 30 dəqiqə ölkədaxili danışıq vaxtı verilir. Təqdim olunan bonus dəqiqələr həm səsli eləcə də video zənglərə şamil olunur. Abunəçi hədiyyə dəqiqələri 30 gün müddətində istifadə edə bilər, istifadə olunmayan bonus dəqiqələr növbəti aya keçirilmir.  

Bonus dəqiqələr ay ərzində yalnız bir dəfə təqdim olunur və ilk ay üçün bonus nömrə aktivləşdirildiyi andan etibarən abunəçinin balansına avtomatik olaraq yüklənilir. Növbəti 11 ay ərzində isə bonuslar abunəçi balansını ən azı 2 AZN dəyərində artırdıqda təqdim olunur. 

Kampaniya haqda daha ətraflı məlumat Nar Mobile-ın aşağıdakı internet səhifəsindən alına bilər:

http://narmobile.az/private/campaigns/xosgelmissiniz/