“Norm” ASC zəlzələdən zərər çəkmiş qardaş ölkə Türkiyəyə 1 milyon 600 min türk lirəsi dəyərində humanitar yardım göndərib.

Facemark.az "Report.az"-a istinadən xəbər verir.

Şirkət Türkiyənin “Bizim Toptan” şirkəti vasitəsilə müxtəlif qida, geyim və gigiyena məhsullarının alınmasını təşkil edib.

“Norm” ASC olaraq bu çətin günlərdə türk xalqının yanında olduğumuzu bildirir, türk qardaş və bacılarımızın kədərini bölüşür, zəlzələ nəticəsində həyatını itirənlərə Allahdan rəhmət, yaralılara şəfa diləyirik!"- deyə məlumatda qeyd olunub.

Qeyd edək ki, zəlzələ bölgəsində olan insanların təcili ehtiyaclarının qarşılanmasına dəstək olmaq üçün şirkət tərəfindən alınan humanitar yardım 3 irihəcmli yük maşını vasitəsilə bölgəyə yola salınıb.