Meta-nın sosiallaşma yönümlü virtual reallıq tətbiqi Meta Horizon Worlds aylıq təxminən 100 min aktiv istifadəçini itirib.

Facemark.az xarici mənbəyə istinadən xəbər verir ki, Horizon Worlds-in geriləməsini dayandırmaq və platformanı daha geniş kütləyə yaymaq üçün səylərini davam etdirən Meta bu mövzuda əhəmiyyətli bir addım atdı.

Meta tərəfindən verilən məlumata görə, Horizon Worlds mobil cihazlar və internet üçün əlçatandır. Xatırladaq ki, Horizon Worlds yalnız Quest modelləri, Meta virtual reallıq eynəkləri tərəfindən dəstəklənmişdir. Metaverse konseptinin yaratdığı həyəcanla tez bir zamanda məşhurlaşan Horizon Worlds xüsusilə son bir ildə çox da populyarlaşmayıb.

Platforma 2022-ci ilin ikinci yarısından etibarən azalmağa başladı. Meta tərəfindən verilən məlumata görə, Horizon Worlds platformasının 2022-ci ilin fevral ayında aylıq 300 mindən çox aktiv istifadəçisi var. 2022-ci ilin oktyabr ayına baxdığımızda aylıq aktiv istifadəçi sayının 200 minə düşdüyünü görürük.

Mobil və veb versiyaların təklif edilməsi bu vəziyyəti dəyişə bilər. Horizon Worlds-in mobil versiyası hazırda yalnız Android platformasında Meta Quest tətbiqi vasitəsilə əldə edilə bilər. Horizon Worlds-in iOS versiyasının yaxın həftələrdə təqdim ediləcəyi gözlənilir. Horizon Worlds-in veb versiyasına horizon.meta.com ünvanından daxil ola bilərsiniz.

Əlavə edək ki, mobil və veb istifadəçiləri əvvəlcə platformadakı hər oyun və funksiyaya daxil ola bilməyəcəklər. Meta-nın verdiyi məlumata görə, hələlik yalnız Super Rumble adlı Horizon Worlds oyununu mobil və internet istifadəçiləri oynaya bilər. Platformadakı digər oyunların və funksiyaların gələcəkdə təqdim ediləcəyi gözlənilir.